“Barselona” jamoasi bosh murabbiyi Luis Enrike “Erkules”ga qarshi (1:1) ispaniya Kubogi dastlabki o'yinidan so'ng uchrashuv borasida o'z fikrlarini bildirib o'tdi. “Bugungi o'yinda futbolchilar harakatidan mamnun emasman. Ammo biz o'ta himoyaviy jamoa bilan o'ynadik, ular 6 ta himoyachi bilan harakat qildi. Birinchi bo'limda pozitsion kurashda ancha qiynaldik. Mazkur o'yin natijasi “Real” bilan o'yinda salbiy ta'sir o'tkazadi. Endi bor e'tiborni mavsumning asosiy o'yiniga qaratamiz”, – dedi Enrike. Eslatib o'tamiz, “Barselona” – “Real” uchrashuvi 3 dekabr kuni “Kamp Nou” stadionida bo'lib o'tadi. Uchrashuv Toshkent vaqti bilan 20:15 da boshlanadi. 
— deya xabar beradi uff.uz nashri.