"Chelsi" klubi sardori Jon Terri ushbu mavsumning oxirigacha "ko'klar" sharafini himoya qilmoqchi va unga qiziqayotgan klublar sabr qilishlariga to'g'ri keladi. 35 yoshli himoyachining klub bilan shartnomasi 2017 yilning yozigacha mo'ljallangan. Bu holat esa bir qancha jamoalar, ayniqsa chet el klublari e'tiborini tortgan. Masalan, Xitoyning "Shanxay Shenxua" klubi yangi bosh murabbiyi Gus Poyet o'zining sobiq jamoadoshiga yaxshigina qiymatga ega shartnoma taklif etgan. Bundan tashqari, Jonga Amerika va Turkiya klublari ham qiziqish bildirganlar. The Telegraph nashrining xabariga ko'ra, Terri chet mamlakatlarga ketishga tayyorligini bildirgan bo'lsada, bu masalani u yozda ko'rib chiqadi. Jon yanvarda "Chelsi"dan ketishni hayoliga ham keltirmagan. U ushbu mavsumning oxirigacha Antonio Kontega yordam bermoqchi.
— deya xabar beradi uff.uz nashri.