Gretsiyaning «Panatinaikos» klubi rasmiy sayti jamoa bosh murabbiyi Andrea Stramachchoni iste'foga chiqarilganligi haqida xabar qoldirdi. Italiyalik mutaxassis grek klubiga o'tgan yilning noyabr oyida kelgan edi. Hozirda «Panatinaikos» Gretsiya chempionatining 9 turidan so'ng, turnir jadvalining uchinchi pog'onasida bormoqda va peshqadam «Olimpiakos»dan 7 ochko ortda qolmoqda. Evropa Ligasida esa Afinaliklar guruhdan chiqishni uddalay olmadilar. 40 yoshli Stramachchoni Gretsiyaga kelgunga qadar, «Inter» va «Udineze» jamoalarida ishlagan.
— deya xabar beradi uff.uz nashri.