"Arsenal" klubi hujumchisi Danni Uelbek uzoq muddatli jarohatdan so'ng mashg'ulotlarga kirishdi va yangi yilga qadar maydonga qaytish umidida. Eslatib o'tamiz, Uelbek tizzasidan olgan jarohat tufayli may oyidan beri maydonga tushmagan. O'sha paytda shifokorlar futbolchining tuzalishiga 9 oy vaqt ketishini aytgan edilar. Biroq, Dannining tiklanish jarayoni tez bo'ldi, deya xabar qilmoqda The Telegraph nashri. Uelbek hozirda yakka tartibda mashg'ulot o'tamoqda, tez orada esa jamoaviy mashg'ulotlarga kirishadi. Umumiy guruh mashg'ulotlariga kirishganidan so'ng, Danniga maydonga qaytishi uchun yana kamida ikki hafta kerak bo'ladi. Shunday qilib, hujumchi yangi yilga qadar "Arsenal" tarkibida maydonga tushishi mumkin.
— deya xabar beradi uff.uz nashri.