Qozog'istonning Almati shahrida bouling bo'yicha o'tkazilgan “Almaty Open 2015” xalqaro turnirida hamyurtlarimiz oltin va kumush medallarga sazovor bo'ldilar.
Jumladan, tajribali sportchimiz, O'zbekiston chempioni Bekzod To'xtaniyozov xalqaro turnirda birinchi o'rinni band etgan bo'lsa, yana bir yurtdoshimiz Baxtiyor Dalabaev kumush medal bilan taqdirlandi. Musobaqaning bronza medali qozog'istonlik Gennadiy Vologinga nasib etdi.
Mazkur xalqaro turnirda Qozog'iston, O'zbekiston va Rossiya davlatlaridan jami 40 nafar sportchi g'oliblik uchun kurash olib bordilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.