Madridning "Real" klubi prezidenti Florentino Peres yaqinda jamoa bilan yangi shartnoma imzolagan Krishtianu Ronaldu haqida gapirib o'tdi. Mutasaddi shu bilan birga jamoa bosh murabbiyi Zinedin Zidan haqida ham iliq fikrlar bildirgan.
"Krishtianu Ronaldu mutlaqo o'zgacha futbolchi, uning statistikasi esa bemisl darajada. Biz unga mudom qoyil qolamiz. Ronaldu "Real"ga to'lanayotgan pullardan ko'ra ko'proq narsa bermoqda. Biz u bilan yangi 5 yillik shartnoma imzoladik va bu bilan faxrlanamiz.
Zinedin Zidanga keladigan bo'lsak, u hali futbolchilik davridayoq klub tarixini o'zgartirib yuborgan edi. U vaqti kelib jamoa bosh murabbiyi bo'lishi aniq edi. Zidan "Real"ga yangi kelajak taklif etish uchun kelgan. U jamoa boshqaruvida ajoyib ishlarni amalga oshirishi oldindan kutilgan edi", - deydi Peres.
— deya xabar beradi uff.uz nashri.