"Barselona" klubi sobiq himoyachisi Karles Puyol "Real"ga qarshi kechadigan klasiko bahsi oldidan fikrlarini bildirib o'tdi.
"Men bu o'yinga "Barselona" yutqazib, "Real"dan 9 ochko ortda qolib ketadi, degan fikr bilan kelishni istamasdim. Bu o'yin klub uchun muhim ahamityaga ega va "Real"ni mag'lub etish uchun yaxshi tayyorgarlik ko'rish lozim.
Hatto 9 ochko ortda qolib ketgan taqdirda ham hamma narsa ro'y berishi mumkin, ammo "Barselona"da xato qilish uchun hech qanday imkon yo'q. O'yin qiyin o'tadi, ammo umid qilamanki "Barselona" g'alaba qozonadi.
"Barselona" to'pga egalik qilishi lozim, o'shanda "Real"dan keladigan xavf kamroq bo'ladi. Boz ustiga butun e'tiborni Krishtianu Ronalduga qaratish ham yaxshi emas, chunki "Real"ning hamma hujumchilari kuchli.
Bizda ulkan imkoniyat bor va bu tarkib bilan o'sha imkoniyatlardan foydalanmaslik ahmoqlik bo'lar edi. Jamoa g'oyasi to'pga egalik qilishdan iborat, ammo besh himoyachiga qarshi turish ham qiyin bo'ladi.
Klasiko bahsi har doim o'zgacha ruhda o'tadi va hamma asabiylashadi. Bu o'yinni 10 kun oldin kutishni boshlaydilar.
"Real" ustidan qozonilgan 0:3, 2:6 va 5:0 hisobidagi g'alabalarni yaxshi eslayman. Eng yaxshi g'alaba esa - 6:2 hisobida Madridda erishilgan g'alaba. Chunki o'sha vaqtda "Barselona"ning ishlari u qadar yurishmayotgandi, "Real" esa yaxshi o'ynayotgandi", - deydi Puyol.
— deya xabar beradi uff.uz nashri.