"Barselona" klubi sobiq yarim himoyachisi Xavi Ernandes 2016 yilning eng yaxshi futbolchisiga beriladigan "Oltin to'p" uchun borayotgan kurashda "Real" hujumchisi Krishtianu Ronalduni favorit, deb atadi.
"Ronaldu "Oltin to'p" uchun kurashda favorit, agarda qo'lga kiritilgan sovrinlarni inobatga oladigan bo'lsak. Ammo dunyoning eng kuchli futbolchisi kimligi borasida menda hech qanday shubha yo'q: u - Messi", - deydi Xavi.
Eslatib o'tamiz, Krishtianu Ronaldu "Real" tarkibida Chempionlar ligasida g'alaba qozondi va Portugaliya terma jamoasi bilan Evropa chempionatida g'olib chiqdi. Messi esa o'z navbatida Ispaniya chempionati va Kubogini qo'lga kiritgan.
— deya xabar beradi uff.uz nashri.