Myunxenning "Bavariya" klubi darvozaboni Manuel Noyer yarim himoyachi Frank Riberi bilan yangi shartnoma imzolanganidan xursandligini bildirdi. "Bavariya" Riberi bilan 2018 yilga qadar davom etishi ko'zda tutilgan yangi shartnoma imzoladi.
"Riberi - dunyo darajasidagi futbolchi. Frank jarohat olguniga qadar "Bavariya" uchun muhim va eng yaxshi futbolchi bo'lib turgandi.
"Bavariya" ko'p ishlar uchun Riberidan minnatdor bo'lishi lozim. Shubha yo'qki o'tgan yillarda u jamoa sharafini munosib himoya qilib keldi. Joriy mavsum ham "Bavariya"ning bir qator g'alabalariga katta hissa qo'shgan", - deydi Noyer.
Eslatib o'tamiz, Frank Riberi Germaniya chempionatida 7 uchrashuvda 2 ta gol urib, 5 ta golli uzatmani amalga oshirgan.
— deya xabar beradi uff.uz nashri.