"Manchester Yunayted" klubi yarim himoyachisi Morgan Shnayderlin yaqin orada klubni tark etishi mumkin. Daily Telegraph nashrining xabar berishicha, "Everton" va "Vest Bromvich" klublari frantsiyalik yarim himoyachi uchun 24 mln evrodan voz kechishga tayyorlar. Shnayderlinga jamoa bosh murabbiyi Joze Mourino ishonch bildirmayapti va futbolchi deyarli o'yin amaliyotisiz qolmoqda. Morgan Premer-liganing ushbu mavsumida bor-yo'g'i 11 daqiqa harakat qildi. 27 yoshli futbolchi muntazam o'yin amaliyotiga ega bo'lmoqchi va ushbu maqsadiga mos keladigan klub qidirmoqda. Unga "Everton" varianti ma'qul bo'lishi mumkin, chunki Shnayderlin avvalroq Ronald Kuman bilan birga ishlagan. Eslatib o'tamiz, "Manchester Yunayted" 2015 yilda Shnayderlinni sotib olish uchun 28 mln evro sarflagan.
— deya xabar beradi uff.uz nashri.