2016 yilning eng yaxshi murabbiyi nomiga da'vogarlar ma'lm qilindi. Unga ko'ra "Real" bosh murabbiyi Zinedin Zidan, Portugaliya terma jamoasi ustozi Fernandu Santush va "Lester Siti" bosh murabbiyi Klaudio Raneri bu nomga ega chiqishi mumkin.
Eslatib o'tamiz, ushbu ro'yxatning kengaytirilgan ko'rinishidan yana Dide Desham (Frantsiya), Yoaxim Lyov (Germaniya), Kris Koulman (Uels), Lars Lagerbek (Islandiya terma jamoasi sobiq bosh murabbiyi), Maykl O'Nil (Shimoliy Irlandiya), Unai Emeri («Sevilya»/«PSJ»), Loran Blan («PSJ» sobiq bosh murabbiyi), Xosep Gvardiola («Bavariya»/«Manchester Siti»), Yurgen Klopp («Liverpul»), Luis Enrike («Barselona»), Xerardo Martino (Argentina terma jamoasi/«Atlanta Yunayted»), Maurisio Pochettino («Tottenxem Xotspur»), Diego Simeone («Atletiko»), Ignasio Ambriz («Amerika»), Xuan Antonio Pitstsi (Chili), Reynaldo Rueda («Atletiko Nasonal») va Ruy Vitoriya («Benfika») o'rin olgan edi.
Eng yaxshi murabbiy FIFA taqdimot marosimida e'lon qilinadi. Marosim 2017 yilning 9 yanvarida Tsyurix shahrida bo'lib o'tadi.
— deya xabar beradi uff.uz nashri.