"Chelsi" darvozaboni Tibo Kurtua jamoa bosh murabbiyi Antonio Konte haqida fikr bildirdi.
"Konte taktika va raqib o'yini yozilgan videoni o'rganishga juda katta e'tibor qaratadi. Bu uslub bizga qay darajada foyda keltirganini o'zingiz ham ko'rib turibsiz.
Ammo futbolchilarga uning ish uslubi yoqmasligi turgan gap. Futbolchilar mashg'ulot vaqtida video ko'rish emas, zarba yo'llashni mashq qilish va o'yindagi turli holatlarni sinovdan o'tkazib, bundan zavq olishni istashadi. Biroq shu bilan birga zarur talabni bajarishimiz shart.
G'alaba qozonishni istasang, taktika bilan shug'ullanish lozim. Hammasi to'g'ri tashkil etilsa, raqibning kuchsiz tomoni qaerdaligini bilib olasiz va undan foydalanish mumkin", - deydi Kurtua.
Eslatib o'tamiz, "Chelsi" APLda oxirgi 7 o'yinning barchasida g'alaba qozondi va faqat bitta gol o'tkazib yubordi.
— deya xabar beradi uff.uz nashri.