«Chelsi» klubi bosh murabbiyi Antonio Konte Angliya chempionati 14-turidan o'rin olgan «Manchester Siti»ga qarshi kechadigan uchrashuv oldidan o'z fikrlari bilan o'rtoqlashdi. «Jamoadagi atmosfera yuqori darajada. Ertaga bizni haqiqatdan ham qiyin uchrashuv kutib turibdi, bu o'yin uslubimizni sinovdan o'tkazish uchun yaxshi imkoniyat. Sezib turibmiz, bizga oson bo'lmaydi, raqib jamoa tarkiibida kuchli o'yinchilar bor. Bu o'yin mavsum boshidagidan o'zgarganimizni isbotlash yo'lidagi yana bir qadam bo'ladi. Shubhasiz, bu katta o'yin bo'ladi. Biz bu mavsumda «Arsenal», «Liverpul», «Tottenxem» va «Manchester Yunayted» kabi klublar bilan bahs yuritdik. Ushbu ligada har bir uchrashuv muhim ahamiyatga ega. Bu mening Angliyadagi birinchi mavsumim, bu shunchaki fantastika va men ertangi o'yinni sabrsizlik bilan kutmoqdaman», — deya Konte so'zlarini keltirmoqda «Chelsi» rasmiy sayti. «Manchester Siti» — «Chelsi» uchrashuvi ertaga soat 17:30 da boshlanadi.
— deya xabar beradi uff.uz nashri.