«Nitstsa» hujumchisi Mario Balotelli Italiya va Germaniya terma jamoalari o'rtasidagi o'rtoqlik o'yini (0:0) kuni hamyurtlari, to'g'rirog'i, jurnalistlar bilan uchrashdi. «Bebosh» futbolchi bu suhbat jarayonida Apennin yarim oroliga qaytish imkoniyati va «Nitstsa»ning joriy mavsum Frantsiya chempioni bo'lish ehtimoli xususida gapirdi. — Aytingchi, Italiya terma jamoasiga qaytish rejangiz bormi? — Hozircha «San Siro»ga milliy jamoamiz muxlisi sifatida ketyapman. Umuman, «Skuadra adzurra»ning doimiy fanatiman. O'z futbolchilarimiz ijrosidagi o'yinlarni tomosha qilishni behad yoqtiraman. Bu narsa jamoaviy shaylanish hamda fikrlashni yaxshiroq tushunishimga yordam beradi. — Jamoa bosh murabbiyi Ventura bilan gaplashib ko'rdingizmi? — Hozircha yo'q. Qolaversa, unga nima ham derdim?  Avvalo, barchasini futbol maydonida namoyish etishim kerak. Ya'ni mamlakat bosh jamoasiga munosib ekanligimni amalda isbotlashim zarur. Boshqacha aytganda, aynan Mario Balotellidek o'ynashim shart. — «Nitstsa» tarkibida Frantsiya chempioni maqomiga erishsangiz, nima bo'ladi? — Agar biz chindan ham, Liga 1 g'olibiga aylansak, unda vertolyotga o'tirib, Nitstsa shahri ustidan uchib o'taman - bu va'da. — Endi «Milan» safiga qanday qo'shilganingizni xotirlasak... — Aslida «Milan»ga o'tishdan oldin «Yuventus» tarkibini to'ldirishim mumkin edi, biroq qandaydir muammolar yuzaga kelib, transfer amalga oshmay qoldi. Tan olaman, Sinisha Mixaylovich butunlay haq - o'tgan mavsum faqat jarohatlar va jismoniy toliqish tufayli yorqin o'ynay olmadim.  - Frantsiyada Italiyani nechog'li qo'msayapsiz? — Neapol va neapolliklarga hurmatim cheksiz. Ayni payt qizim shu shaharda yashayapti. Biroq hozircha Italiyaga qaytish fikridan yiroqman. Zero, bor e'tiborim «Nitstsa»dagi o'yinlarga qaratilgan. — Ehtimol, milliy jamoani sog'ingandirsiz... — Ro'y-rost aytsam, yozda, ya'ni Evro-2016 chog'i Italiya termasi o'yinlariga hattoki, qaray olmadim - juda asabiylashdim, o'zimni tutib turishim qiyin kechdi. Axir sevimli jamoangda nimadir o'xshamagan payt unga yordam berolmasligingni bila turib, o'yinni kuzatishing oson emas. Chunonchi, bolalik yillaridanoq Italiya bosh jamoasida o'ynashni orzu qilganman. Tarkibdan chetda qolayotgan ekanman, demak, talab darajasida o'ynamayapman. Lekin bu muammo emas. Meni qachon chaqirishsa ham, to'liq tayyor bo'la olaman. — Evro-2012 doirasida o'tgan Italiya - Germaniya uchrashuvi faoliyatingizning cho'qqisi bo'ldi, shundaymi? — Hamma shu gapni takrorlaydi. Ha, bu sehrli oqshom edi, harqalay, finalga chiqqanimiz - unutilmas voqelik. Ammo barcha-barcha Marioni shu birgina o'yin orqali eslashini sira xohlamasdim. Xususan, ayni payt faoliyatimda yangi sahifa ochish harakatidaman. — «Yuventus» skudetto uchun kurashda yana yaqqol favoritmi? — Ochig'i, «A» seriyasi o'yinlarini kuzatmayapman. Lekin «Yuventus»ning anchadan buyon Italiyada eng kuchli klub maqomida ekanligi barchaga ayon. — Shaxsan siz «Yuve»da o'ynashni xohlarmidingiz? Davomi interfutbol.uz saytida.
— deya xabar beradi uff.uz nashri.