Madridning «Real» klubi bosh murabbiyi Zinedin Zidan Ispaniya chempionati 14 turida "Barselona"ga qarshi o'tkazilgan uchrashuvdagi 1:1 hisobidagi durang haqida fikr bildirdi.
"Bu durang g'alabaga teng bo'lgan natijalar sirasiga kirmaydi. Bu shunchaki bir ochko, uch ochko emas. Ammo bu endi haqiqat va undan biz xursanmiz. Chunki u yaxshi natija.
Bu durang "Barselona"ning ruhiyatiga kuchli zarba bo'ldi, deb o'ylamayman. Bizda olti ochkolik farq saqlanib qoldi, ammo bu hali hech narsani anglatmaydi. Oldinda uzoq davom etadigan mavsum va ko'p o'yinlar turibdi.
Biz birinchi bo'limda gol urganimizda o'yin mutlaqo boshqacha tus olar edi. Ammo "Barselona" birinchi bo'lib gol urdi va bizga ancha qiyin bo'ldim. Shunga qaramasdan durangni adolatli natija demagan bo'lardim. Biroq bo'lar ish bo'ldi.
Ramosning so'nggi daqiqalardagi navbatdagi goli? Unda haqiqiy iroda kuchi bor va u hech qachon taslim bo'lmaydi", - deydi Zidan.
— deya xabar beradi uff.uz nashri.