O'zbekiston terma jamoasi sobiq bosh murabbiyi Mirjalol Qosimov "Interfutbol" gazetasiga bergan intervyusida kelajagi haqida savolga javob qaytardi.
- Yaqinda internetda qaysidir klubdan taklif olganingiz haqida xabarlar paydo bo'lgan edi...
- Agar “Obod” haqida aytayotgan bo'lsangiz, so'rashga hojat yo'q, bunday taklif bo'lmadi. O'zim ham bu haqida internetdan o'qib bildim va ancha hayron qoldim. Chunki menga hech qanday taklif tushgani yo'q, odamlar shunchaki tusmollab yozishyapti, shekilli. Balki biror joyda shu haqida gap-so'z bo'lgandir, keyin tarqab ketgan. Ammo menga hech qanday taklif bo'lmadi.
- Boshqa klublardan takliflar bo'layotgani haqidagi xabarlarchi?
- Bunisida endi biroz jon bor. Hozir 2-3 joydan taklif tushgan va ularni ko'rib chiqyapman, ammo aynan qaysi klublar ekanini ochiq ayta olmayman. Bunisini to'g'ri tushunasiz. O'oldiga jiddiy maqsad qo'ygan va yuqori o'rinlar uchun kurashadigan jamoada ishlashni istayman. Futbolchilik vaqtimda ham shunday klublarda o'ynashga harakat qilardim, murabbiy sifatida ham shuni istashim turgan gap. Qaerda ishlamay, qo'limdan kelgan barcha ishni amalga oshirishga harakat qilaman.

— deya xabar beradi uff.uz nashri.