Ispaniyaning «Barselona» klubi hujumchi Lionel Messi bilan yangi shartnoma imzolamoqchi. Sport.es portalining ma'lumotiga ko'ra, kataloniyaliklar 28 yoshli argentinalik futbolchi faolitini «Barselona»da yakunlashini ko'zlashmoqda. Messining amaldagi shartnomasi 2018 yilning yozida o'z nihoyasiga etadi, ammo «Barselona» kelishuvni yaxshilangan shartlarda uzaytirmoqchi. Ayni damda Leo «Kamp Nou»da 20 million evro sof va bonus tariqasida 4–5 million evro maosh ishlab topadi. Ta'kidlanishicha, hozirda «Barselona»ning bosh maqsadi — Neymar bilan bitimni uzaytirish ekan.
— deya xabar beradi uff.uz nashri.