Kuni kecha “Kamp Nou”da o'tgan navbatdagi “El-Klassiko”da “Real” so'nggi daqiqalarda Serxio Ramos kiritgan gol evaziga mag'lubiyatdan qutulib qoldi va ketma-ket mag'lubiyatsiz o'yinlar sonini 33 taga etkazib oldi. Shu munosabat bilan “Real”ning XX asrdagi barcha o'yinlarini tahlil etib, biz so'nggi daqiqalarda o'yinda burulish yasashga muvaffaq bo'lingan top-5 ta holatni ajratib oldik va ularni siz bilan baham ko'ramiz. La Liga, 2008 yil “Atletiko” 1-2 “Real” Gollar: Simau(90) – van Nistelroy(2), Iguain(90+6 penalti) U paytlari Madrid derbisi hozirgi kundagi singari katta qiziqishlarga sabab bo'lmagan bo'lsada, o'yinlar shiddati hozirgidan aslo kam emas edi. Uchrashuv boshida van Nistelroyning goli evaziga hisobda oldinga chiqib olgan  “qaymoqranglilar” bu hisobni o'yin ohiriga qadar saqlashga intilayotgan edi. Biroq Simauning jarima zarbasidan kiritgan ajoyib goli evaziga “matraschilar” uchrashuv ohirida muvozanatni tiklashga muvaffaq bo'lishadi. Hakam tomonidan qo'shib berilgan 6 daqiqada esa Iguain penaltidan gol kiritgan holda jamoasiga muhim bo'lgan 3 ochkoni keltiradi. Aytgancha har ikkala jamoa o'yinni 10 kishi bo'lib yakunlaganini aytish esdan chiqibdi. La Liga, 2010 yil “Real” 3-2 “Sevilya” Gollar: Ronaldu(60), Ramos(63), van der Vart(90+2) - Alonso(avtogol 10), Dragutinovich(54) Har ikkala bo'limning dastlabki 10 daqiqasida to'p o'tkazib yuborgan “Real” uchrashuv ohirigacha “kambek” qilishning uddasidan chiqqan edi. Dastavval Ronaldu 60 daqiqada hisobni qisqartirishga erishgan bo'lsa, oradan uch daqiqa o'tib Ramos muvozanatni tiklashga muvaffaq bo'ladi. Uchrashuvga qo'shib berilgan ikkinchi daqiqada esa van der Vart“Santyago Bernabeu”ni larzaga keltirgan g'alaba to'pini kiritishga muvaffaq bo'ladi. O'sha mavsum yakunida esa “Real” chempionlikni “Barsa”ga boy beradi va gollandiyalik futbolchi ham “Tottenxem” safiga o'tib ketadi. Maqolaning davomi penalti.uz saytida
— deya xabar beradi uff.uz nashri.