«Everton» klubi bosh murabbiyi Ronald Kuman «Manchester Yunayted»ga qarshi kechgan uchrashuvdan so'ng o'z fikrlari bilan o'rtoqlashdi. «Penalti bormidi?, Roxo sariq yoki qizil kartochkaga loyiqmidi?, bunday mavzular har doim muhokama qilinadi. Bu hakamlar uchun qiyin. Balki, Roxo to'pga oyog'ini tashlashga kechikgandir, ammo bunday vaziyatlarda qarorni men qabul qilmayman. Biz shunchaki buni qabul qilishimiz kerak. Biz ochko olishga munosib edik, bu adolatli natija. Bugungi o'yinimiz o'tgan haftadagisidan ancha yaxshi chiqdi. Biz kuchlimiz va oxirgi soniyalargacha kurashishga jismonan tayyormiz. Shundan kelib chiqib aytish mumkinki, durang bugungi o'yin uchun adolatli natija bo'ldi», – deydi Kuman.
— deya xabar beradi uff.uz nashri.