Lionel Messining kataloniyaliklar bilan yangi shartnoma tuzishdan bosh tortishi muxlislarni qanchalik hayratga solsa, umuman «Barselona»da o'ynashni xohlamagan futbolchilar borligi bu hayratni ikki barobar oshirishi turgan gap. Demak, Soccer.ru Fergyusonning yoqimtoyi, «Real» afsonasi hamda boshqa o'yinchilar haqida so'z yuritadi. 1953 yilning bahori. Alfredo Di Stefano
Ushbu buyuk futbolchi «Barselona» va «Real» o'rtasida talashilgani rost. Aynan Di Stefano sabab Ronaldu «Real»ning bosh afsonasi nomiga erisholmaydi, garchi ishqibozlarning bu boradagi fikrlari boshqacha bo'lsa ham. Alfredo 8 marta Ispaniya chempioni, 5 marta Chempionlar Kubogi g'olibiga aylangan - Krishtianu bu ko'rsatkichni yangilay olmasa kerak. E'tibor bering, hattoki Raul ham chetda qolmoqda. Gonsales Blanko «Atletiko» taklifini rad etgan bo'lsa, Di Stefano «Barselona» futbolkasida ko'rinish bergan. Chunki o'yin¬chining transfer huquqiga ega birinchi klub uni kataloniyaliklarga sotgan bo'lsa, keyinroq ikkinchisi «Real» taklifini qabul qilgan. Alfredo esa Madridni tanlagan.
O'z navbatida, birdaniga ikkita shartnomaga ega chiqqan futbolchiga diskvalifikatsiya xavf solardi. Uni majburan «Yuventus»ga o'tkazishga ham urinishgan. Ammo FIFA ayyorona va qiziq chora qo'lladi va shu tariqa Alfredoning ikki mavsum «Real»da, yana shuncha muddat «Barselona»da o'ynashi belgilab qo'yildi. Bu holat kataloniyaliklarga yoqmadi: ular o'zlariga tegishli huquqni raqibga sotishdi. Endilikda Alfredoning nomi Ispaniya va butun Evropada «Real» gegemoniyasi bilan bog'lanadi. Santyago Bernabeuning urinishlari samara berib, uni «Barsa»dan tortib olishdi. Bu esa o'rtadagi ziddiyatni oshirdi, 1988 yilgacha klublar o'zaro futbolchi almashishmadi. Keyinchalik Figuning ushbu ikki jamoa libosida maydonga tushishi katta mojarolarga sabab bo'lgani bu fikrning isbotidir.
1998 yilning yozi. Alessandro Del Pero
O'sha kezlari «Barselona» hozirgidek barqaror emasdi, lekin yulduzlar bilan muzokara o'tkazardi. Del Pero bir mavsumda 32ta gol urgach, 1998 yili «Manches¬ter Yunayted» va «Barselona» unga shartnoma taklif etishdi. O'shanda «Yuventus»da endigina beshinchi yilini o'tkazayotgan, aslida «Padova» tarbiyalanuvchisi hisoblangan Sandro «Keksa sinora»ga mehr qo'yib, uzoq vaqt Turinda qolib ketdi. Keyingi 19ta mavsumda o'sish va omadsizliklar bilan birgalikda jarohatlar va muvaffaqiyatlarni boshdan kechirdi. Xullas, klubiga bo'lgan sadoqat tufayli «Barsa» taklifi rad etildi.
2001 yilning yozi. Janluiji Buffon
O'sha kezlari «Parma»ning yosh posboni va uning vakillari o'rtasida uzoq muhokama o'tkazildi, kelajagi borasida otasi bilan maslahatlashdi. «Barselona» aniq taklif bilan chiqqan, jamoa kelgusi o'n yillik uchun kiper izlayotgandi. Buffon esa barcha ko'rsatkichlar bo'yicha Kataloniya grandiga mos tushar, ushbu klub nufuzli sovrinlarni qo'lga kiritish kafolatini bera olardi. Ammo «Yuventus» Janluijini futbol tarixidagi eng qimmat darvozabonga aylantirdi, vaholanki Buffon otasining tavsiyasiga ko'ra qaror qabul qilgandi - ispanlarga rad javobi berildi va bundan hozirgacha afsuslanmaydi. qisman shunday, axir ikki marta finalda o'ynaganiga qaramay, EChL bosh sovrinini qo'lga kiritolmadi.
2006 yilning yozi. Rio Ferdinand
O'z davrining eng yaxshim himoyachilaridan biri, van der Sar va Vidichning ishonchli sherigi, «MYu» bilan Chempionlar Ligasida g'olib chiqqan Ferdinandga bir vaqtning o'zida ham «Real», ham «Barselona»dan taklif tushdi. «Roma» qiziqish bildirganda esa Madrid va Kataloniya jamoalariga rad javobini berib ulgurgandi. Rio o'z qarorini oddiy tarzda izohladi - «Manchester Yunayted» birin-ketin sovrinlar yutardi, shu bois «Vest Xem» va «Lids»ning sobiq himoyachisi Fergyusonga to'liq ishonib, Kataloniyaga ko'chib o'tish haqida o'ylamasdi. O'z navbatida, Ferdinand bir narsani ta'kidlashdan charchamaydi: «Agar Beyl «Tottenxem»dan «MYu»ga o'tganida, u ham Madridga borishni xohlamasdi...» Xullas, bu o'rinda angliyalik adashayotgan bo'lishi ham mumkin.
Davomi bor... Davomi "INterFUTBOL" gazetasida.
— deya xabar beradi uff.uz nashri.