«Liverpul» va «Real» klublari 2017 yilning mart oyida xayriya uchrashuvini o'tkazishga kelishib oldilar. Ushbu uchrashuvda Luish Figu, Roberto Karlos, Maykl Ouen va boshqa futbol afsonalari qatnashadilar. «Liverpul» tomonidan qatnashishga rozi bo'lgan futbolchilar bilan tanishing: Gari Makallister, Luis Garsiya, Patrik Berger, Salif Diao, Eji Dudek, Yan Rash, Jeyson Maketir, Vladimir Shmitser, Maykl Ouen, Devid Tompson, Sander Vesterveld, Ditmar Xamann, Jon Oldrij, Yon Arne Riise, Fil Bebb, Stefan Ansho, Daniel Agger va Robbi Fauler. Hozirda «Real» o'yinchilarining ro'yhati kamtarona ko'rinishda.  Uchrashuvda ishtrok etishga Luish Figu, Stiv Makmanaman, Roberto Karlos va Emilio Butragenolar rozi bo'lishgan. To'liq ro'yhat o'yin sanasiga yaqin aniq bo'ladi. Eslatib o'tamiz, uchrashuv 25 mart kuni «Enfild» stadionida bo'lib o'tadi. Ushbu jamoalarning birinchi o'rtoqlik uchrashuvi 2015 yil «Santyago Bernabeu» stadionida bo'lib o'tgandi, o'sha uchrashuvda «Real» 4:2 hisobida g'alaba qozongan edi.
— deya xabar beradi uff.uz nashri.