«Barselona» klubi yarim himoyachisi Serxi Roberto Chempionlar Ligasi guruh bosqichi bahslari doirasida Myonxengladbaxning «Borussiya» klubiga qarshi kechadigan uchrashuv oldidan o'z fikrlari bilan o'rtoqlashdi. «Biz xotirjamlik bilan uchrashuvga tayyorgarlik ko'rmoqdamiz. Asosiy vazifamiz iloji boricha pley-off bosqichiga ertaroq chiqish edi va bu vazifa bajarib bo'lindi. Ammo, ertangi o'yinda g'alaba qozonish «Barselona» uchun juda muhim, bu jamoaga ishonch bag'ishlaydi. Menga keladigan bo'lsak, o'zimni yaxshi his etmoqdaman», — deydi Roberto.
— deya xabar beradi uff.uz nashri.