Rossiya chempionati 17-turidan o'rin olgan «Krasnodar» – «Krilya Sovetov» uchrashuvi o'z nihoyasiga etdi. Ushbu uchrashuvda tomonlar murosa yo'lini tanladilar. Ikkinchi bo'limning boshida Artur Enjeychikning to'p uzatishidan so'ng, mezbonlar hujumchisi Fyodor Smolov  raqib darvozasini ishg'ol etdi. Uchrashuvning 71-daqiqasida «Krilya Sovetov» vakillari standart vaziyatdan unumli foydalandilar. Yoan Mollo uzatib bergan to'pni Sergey Kornilenko boshi bilan darvozaga to'g'irlab qo'ydi. Shu tariqa uchrashuv 1:1 hisobidagi durang bilan yakunlandi. Hamyurtimiz Odil Ahmedov uchrashuvning 59-daqiqasida zaxiraga olindi. Eslatib o'tamiz, Ahmedovda o'yindan oldin kichik jarohat bor edi. Rossiya chempionati. 17-tur Krasnodar – Krilya Sovetov 1:1 (0:0, 1:1)   Gollar: 1:0 – 48 Smolov, 1:1 – 71 Kornilenko. Krasnodar – Kritsyuk, Enjeychik, Grankvist, Naldo, Kaleshin, Joaozino, Izmaylov, Kabore, Gazinskiy, Ahmedov (Okriashvili, 59), Smolov. Krilya Sovetov – Loriya, Taranov, Yatchenko, Margasov, Tsallagov, Bashkirov, Chochiev (Zinkov, 58), Mollo (Bojin, 83), Bato, Kornilenko (Sadik, 89), Paskuato. Ogohlantirishlar: Gazinskiy (44), Margasov (65), Loriya (86), Yatchenko (90).
— deya xabar beradi uff.uz nashri.