Angliya terma jamoasi sobiq yarim himoyachisi Devid Bekxem ayni vaqtda faoliyatini davom ettirayotgan futbolchilar orasida o'ziga yoqadiganlarni aytib o'tdi. Uning ro'yxatidan Lionel Messi («Barselona»), Krishtianu Ronaldu («Real»), Alvaro Morata («Yuventus»), Marko Verratti («PSJ»), Neymar («Barselona») va Ueyn Runi («Manchester Yunayted») o'rin olgan.
"Leo va Krishtianudan tashqari Alvaro Moratani ham e'tirof etib o'tish lozim. Yana "PSJ"dagi Verattining o'yini ham menga yoqadi. U bilan bir jamoada to'p surganmiz.
Marko ajoyib va iqtidorli futbolchi. Shuningdek Neymar ham kuchli futbolchi. Umuman, aslida ko'plab futbolchilarni aytsa bo'ladi, ammo men mana shu guruh bilan cheklanaman. Ingliz futbolchilariga keladigan bo'lsak, Runini alohida ajratib ko'rsatish mumkin", - deydi Bekxem.
— deya xabar beradi uff.uz nashri.