"Barselona" bosh murabbiyi Luis Enrike jamoa muxlislari tushkun kayfiyatda emasligini ta'kidlab o'tdi. Ispaniya chempionati 14-turida "Real"ga qarshi kechgan o'yinda 1:1 hisobidagi durangdan so'ng kataloniyalik muxlislar natijadan norozi bo'lgani aytilgan edi. Ammo Luis Enrike bu xabarlarni inkor etdi.
"Barselona" muxlislari tushkun kayfiyatda emas. Shaxsan o'zim birorta norozi muxlisni uchratmadim. Aksincha, men uchratgan ishqibozlarning barchasi yaxshi kayfiyatda. Mavsum haqida esa barcha musobaqalar yakuniga etgach xulosa chiqaramiz", - deydi murabbiy.
Eslatib o'tamiz, "Barselona" ayni vaqtda 28 ochko bilan Ispaniya chempionatida ikkinchi o'rinda bormoqda. "Real" bilan oradagi farq esa 6 ochkodan iborat.
— deya xabar beradi uff.uz nashri.