"Barselona" klubi sobiq hujumchisi Boyan Krkichning otasining aytishicha, o'z vaqtida u Xorvatiya terma jamoasi yarim himoyachisi Luka Modrichni sotib olishni kataloniyaliklarga taklif etgan edi. O'sha vaqtlarda Modrich Zagrebning "Dinamo" klubi sharafini himoya qilgan.
"O'shanda Modrich "Barselona"da o'ynab keta olishini aniq tiniq ko'rgan edim. Bu futbolchi g'oliblik ruhiyatiga ega edi. Ammo "Barselona" kelajak uchun futbolchi sotib olishni istamadi va tezda natija keltiradigan o'yinchilarga e'tibor qaratdi.
Xorvatiyadagilar esa Modrich haqida mo''jiza so'zlarni aytishardi. Boban ham menga Modrich kelajakda dunyo darajasidagi yulduz bo'lishini aytgandi", - deydi Krkich.
Eslatib o'tamiz, o'shanda Krkich "Barselona"da skaut bo'lib ishlagan.
— deya xabar beradi uff.uz nashri.