EChL guruh bosqichi yakunlanishiga bir tur qolganida 16ta «pley-off» yo'llanma sohiblaridan 12tasi aniq bo'lib ulgurdi. qolgan 4ta yo'llanma hamda ELda musobaqani davom ettirish huquqini qo'lga kiritadigan jamoalarni so'nggi tur bahslari aniqlab beradi. Shu bois, har qanday turnirda uchrab turadigan hodisa - ochkolar teng bo'lib qolganda ustunlik qaysi omillarga asosan bir jamoaga berilishi qiziqtirishi tabiiy. Marhamat ular bilan tanishing. O'zaro uchrashuvlardagi ochkolar soni; 2. O'zaro uchrashuvlarda urilgan va o'tkazib yuborilgan to'plar nisbati; 3. O'zaro uchrashuvlarda urilgan gollar soni; 4. Mehmonda urilgan gollar soni; 5. Turnirdagi umumiy to'plar nisbati; 6. Urilgan barcha gollar soni; 7. Klubning UEFA koeffitsienti. Demak, shartlar bilan tanishdik. Navbat jamoalarning guruhdagi holati va so'nggi o'yinlar natijalarining ta'siri haqidagi hikoyaga. «A» guruhi «Pley-off» bosqichiga yo'l olganlar: «PSJ», «Arsenal» ELga da'vogarlar: «Ludogorets», «Bazel». 6-tur bahslari: «Bazel»-«Arsenal», «PSJ»-«Ludogorets». «PSJ» o'zaro uchrashuvlar natijasiga ko'ra, «Arsenal»dan ustun. «Ludogorets» esa «Bazel»dan. «PSJ» birinchi o'rinda qoladi: so'nggi turda «Arsenal»dan yomonroq natija qayd etmasa. 2-o'rinni egallaydi: agarda «Arsenal»­dan ochkolar soni bo'yicha ortda qolsa. «Ludogorets» ELga yo'l oladi: agar so'nggi bahsda «Bazel»dan yomonroq natija qayd etmasa. Mabodo, Shveytsariya klubidan ozroq ochko olsa, 4-o'ringa tushib ketadi. «V» guruhi «Pley-off» bosqichiga da'vogarlar: «Napoli», «Benfika», «Beshiktosh». Omadsiz jamoaga EL yo'llanmasi naqd. Kievning «Dinamo»si so'nggi turdagi natijalaridan qat'iy nazar, oxirgi o'rinda qoladi. 6-tur bahslari: «Dinamo»-«Beshiktosh», «Benfika»-«Napoli». «Napoli» «pley-off» bosqichiga chiqadi: a) jamoa g'alaba qozonsa yoki durang qayd etsa; b) o'zi mag'lubiyatga uchrasa-yu, «Beshiktosh» Kievdan ochkosiz qaytsa. ELga yo'l oladi: «Benfika»ga yutqazib, «Beshiktosh» Kievdan hech bo'lmaganda bir ochko bilan qaytsa. «Benfika» «pley-off»ga chiqadi: a) o'zi g'alabaga erishsa; b) «Napoli» bilan durang yoki mag'lubiyat qayd etsa, buning uchun «Beshiktosh» «Dinamo»dan engilishi shart. ELga yo'l oladi: agarda «Napoli» bilan durang o'ynasa yoki mag'lubiyatga uchrasa, «Beshiktosh» Kievda g'alabaga erishsa. «Beshiktosh» «pley-off»ga chiqadi: a) o'zi g'alaba qozongan taqdirda, ikkinchi uchrashuv natijasidan qat'iy nazar: b) Kievda durangga erishib, «Benfika» «Napoli»dan ustun kelsa. ELga yo'l oladi: mag'lubiyatga uchrasa; b) durangga erishib, «Napoli» «Benfika»dan mag'lub bo'lmasa. «S» guruhi «Pley-off»ga chiqishdi: «Barselona», «Manchester Siti». ELga yo'l oldi: «Borussiya» M. 6-tur bahslari: «Barselona»-«Borussiya» M., «Manchester Siti»-«Seltik». Barcha masala uzil-kesil hal bo'lgan guruh. «Barsa»ning birinchi o'rinda qolishi aniq. qolgan jamoa­larni uch ochkolik farq ajratib turibdi, yuqori o'rindagilar o'zaro uchrashuvlar natijalariga ko'ra ta'qibchilardan ustunlar. Boz ustiga, so'nggi turda ular o'zaro to'qnash kelishmaydi. Guruhdagi so'nggi tur bellashuvlari shunchaki rasmiyatchilik uchun o'tkaziladi. Davomi "INterFUTBOL" gazetasida.
— deya xabar beradi uff.uz nashri.