Futbolning boy tarixida har kimga ham gol qo'shimchasini qo'shaverishmaydi. Bunday futbolchilar kamchilikni tashkil qiladi. Shundaylardan biri Argentina terma jamoasining sobiq hujumchisi Gabriel Batistutadir. U 17 yillik faoliyati davomida raqiblar darvozasini 348 marta nishonga olgan. Batigol futbolchilik davrida «Nyuells Old Boyz», «River Pleyt», «Boka Xuniors», «Fiorentina», «Roma», «Inter» va «Al-Arabi» kabi klublar sharafini himoya qilgan. Shu yilning iyun oyiga qadar 56ta gol bilan Argentina terma jamoasi to'purari edi. Ammo bu rekordni Lionel Messi yangiladi. Xabaringiz bor, har yili FIFA eng chiroyli gol muallifiga Ferents Pushkash nomidagi sovrinni topshiradi. Ayni paytda bu nomga10ta gol muallifi da'vogarlik qilishmoqda. Batistuta Marko van Basten va Marta bilan birgalikda 2016 yilning eng chiroyli gollarini saralab olishdi. Mazkur sovrin 9 yanvar kuni Tsyurixda o'z egasiga topshiriladi. Italiya «A» seriyasida 242ta gol urgan futbolchi bilan FIFA.com  sayti muxbirlari intervyu uyushtirishdi. Suhbat Batigol tug'ilib-o'sgan Rekonkistada bo'lib o'tdi. Bu shahar Argentina poytaxti Buenos-Ayresdan 800 km. uzoqlikda joylashgan. - Van Basten va Marta bilan yilning eng chiroyli goli nomzodlarini aniqladingiz. Bunga qanday munosabat bildirasiz? - Juda baxtliman. Ularning o'yin­laridan rohatlanganman. Markoga qarshi o'ynaganman. Ammo Martaga qarshi emas (kuladi). Ular bilan bunday vazifani bajarayotganimdan mamnunman. Bu o'tmishda yaxshi ishlarni amalga oshirganimdan dalolatdir. - Ferents Pushkash sovrini da'vogarlarini aniqlash uchun qancha mutaxassislar jalb etildi? - Juda ko'p. To'g'ri, turli qarama-qarshiliklar bo'ladi. Ammo golni tanlashda muhimligiga ko'proq e'tibor qaratdik. - O'nta golni tanlashda qanday jihatlar inobatga olindi? - Birinchi o'rinda golga va raqibga e'tibor qarataman. Misol uchun jahon chempionati finali yakunlanishiga o'n daqiqa qolganda qandaydir fintni amalga oshirish qiyin. Ammo turnir jadvalida so'nggi o'rinda borayotgan jamoaga qarshi uchrashuvda o'zingizga erkinlik berishingiz mumkin. Chiroyli gol baribir, chiroyli bo'lib qolaveradi. Lekin o'yinning muhimligiga ko'proq e'tibor berish lozim. - Muxlislar eng yaxshi futbolchilar va murabbiylarni aniqlashda ovoz beradigan bo'lishdi. Bunga munosabatingiz qanday? - Futbol muxlislarsiz hech nima. Shu bois ham so'rovda ularning ishtirok etishlari yaxshi bo'ldi. - 2016 yilning eng yaxshilari bo'lish uchun favoritlaringiz kimlar? - Murabbiylar orasida Diego «Cholo» Simeone va Pep Gvardiolalar. Ular o'z printsiplarini mahkam ushlagan holda kerakli natijalarni qo'lga kiritishmoqda. To'g'ri, ularning ikkisi turli qarashlarga ega murabbiylar. Ammo har ikkisi ham o'z g'oyalarini amalga tadbiq eta olishyapti. - Eng yaxshi o'yinchi bo'lish uchun asosiy da'vogar kim? Davomi "InterFUTBOL" gazetsida.
— deya xabar beradi uff.uz nashri.