Rossiyaning Sochi shahri mezbonlik qilayotgan shaxmat bo'yicha maktab o'quvchilari o'rtasidagi jahon chempionatida etti yoshli qizlar musobaqasida eng ko'p reyting ochko egasi sifatida birinchi raqamda saralangan hamyurtimiz Afruza Hamdamovaning ishonchli o'yini muxlisu mutaxassislarni lol qoldirmoqda.
 
Musobaqa davomida Afruzaga kuchli shaxmat maktabiga ega mamlakatlar - Rossiya va Xitoy sportchilari ro'baro' keldi. Biroq, o'ta kuchli iqtidor sohibasi bo'lgan shaxmatchi qizimiz rossiyalik Milana Fominix, Mariya Dolinskaya, Olesya Fyodorova hamda xitoylik Yining Chenga qarshi o'tkazilgan partiyalarda ajoyib yurishlari bilan raqobatchilarini dog'da qoldirdi.
 
Jahon chempionatida etakchilik qilayotgan Afruza Hamdamova beshinchi turda o'zi singari mag'lubiyat nimaligini bilmay kelayotgan shaxmatchi - Birlashgan Arab Amirliklari vakilasi Ruda Iso Alserkal bilan kuch sinashadi.
 
Manba: SPORTS.uz
— deya xabar beradi uff.uz nashri.