Mavsumni Qozog'istonning «Qayrat» jamoasida o'tkazgan Andrey Arshavin bilan rossiyalik jurnalistlar  intervyu uyushtirishdi. Suhbat chog'ida u qozog'iston va Rossiya chempionatlari borasida fikr bildirdi. — Andrey, ayni paytda qozog'istonda faoliyat olib boryapsiz. Lekin keling, dastlab Rossiya futboli haqida gaplashaylik. «Zenit» o'yinlarini kuzatib boryapsizmi? — Albatta. Jonajon jamoamning ishlari qanday kechayotganiga qiziqaman. Imkoniyat bo'lganda jamoa o'yinlarini tomosha qilyapman. — Sizda qanday taassurot qoldiryapti? — «Zenit»ning o'yinlari yoqyapti. Umuman olganda, men tomosha qilgan uchrashuvlardagi o'yinlari. Menimcha, muxlislarga ham yoqayotgan bo'lsa kerak. Jamoa himoyaga yotib olmayapti, kombinatsiya uyushtirishga harakat qilyapti, himoyadan hujumga tezda o'tmoqda. Ayni paytda «Zenit» jismonan biroz toliqqan. Futbolchilar odatdagidan sekinroq harakat qilishmoqda. Shu bois ham raqib himoyachilari joylarini topib olishmoqda. Bir so'z bilan aytganda, «Zenit» mavsum avvalidan ko'ra pastroq o'yin namoyish qilyapti. — Balki Xalkning ketishi yaxshilikkadir? Nihoyat, «Zenit» jamoaviy o'yin ko'rsatmoqda. — Bu erda ikki xil fikr bildirish mumkin. O'yin sur'ati borasida shundaydir. Lekin Xalkning natija keltirganini unutmaslik lozim. Agar «Zenit» braziliyaliksiz natijaga erishsa, demak uning ketgani yaxshilikka. — Andrey Arshavin va «Zenit» endi birga bo'lmaydimi? Davomi "InterFUTBOL" rasmiy saytida.
— deya xabar beradi uff.uz nashri.