“Xoffenxaym” klubi markaziy himoyachisi Niklas Zyule hamon “Chelsi” jamoasi qiziqishlari doirasida bo'lib turibdi. Bu haqida ESPN telekanali xabar tarqatdi. Manbada aytilishicha, londonlik klub 21 yoshli Germaniya yoshlar termasi a'zosini o'tgan yozda sotib olmoqchi edi va endi yanvarda yana bir bor urinib ko'rishni istaydi. Zyuledan tashqari “Chelsi” Maykl Kin (“Bernli”), Ben Gibson (“Midlsbro”) va Antonio Ryudigerning («Roma») nomzodini ko'rib chiqmoqda. Joriy mavsumda Zyule Germaniya chempionatining 11ta o'yinida bitta gol kiritgan.
— deya xabar beradi uff.uz nashri.