«Inter» klubi yarim himoyachisi Marselo Brozovich milanliklar bilan amaldagi shartnomasini uzaytirdi. «Inter» matbuot-xizmatining xabar berishicha, jamoa 24 yoshli yarim himoyachi bilan 2021 yilga qadar mo'ljallangan shartnoma imzolagan. Italiya OAVning ma'lumot berishicha, yangi shartnomaga ko'ra Brozovichni sotib olishni istagan jamoa 50 mln evrodan voz kechishiga to'g'ri keladi. Ushbu mavsumda Brozovich «Inter» tarkibida 11 o'yin o'tkazib, ikkitadan gol va golli uzatmaga mualliflik qilgan.
— deya xabar beradi uff.uz nashri.