Evropa Chempionlar ligasining F guruhidagi so'nggi ikki uchrashuv ham o'z nihoyasiga etdi. Keyingi bosqich masalasini hal qilib bo'lgan «Real» hamda «Borussiya D» jamoalari yuqori o'rinlarni bo'lib olish uchun kurashdilar. Uchrashuvning 28-daqiqasida o'ng qanotdan jarima maydoni tomon kirib borgan Dani Karvaxal to'pni ajoyib tarzda Benzemaga tashlab berdi, frantsiyalik futbolchi vaziyatni ko'kka sovurmadi va madridliklarni hisobda oldinga olib chiqdi. Shu tariqa birinchi bo'lim Madridliklarning ustunligida kechdi. Ikkinchi bo'lim ikki tomonning keskin hujumlari bilan boshlandi. 53-daqiqada yana Benzema Xames Rodrigesning to'p uzatishidan so'ng bosh bilan jarba berib, darvozani ishg'ol etdi. Oradan ko'p vaqt o'tmay mehmonlar hujumchisi Obameyang Shmeltserning to'p uzatishidan so'ng bo'sh qolgan darvozaga gol kiritdi. Uchrashuv yakunlanib borayotgan bir vaqtda Marseloning xatosi madridliklarga qimmatga tushdi. Tezlik bilan qarshi hujum uyushtirgan «Borussiya D» futbolchilari Roysning jarbasidan so'ng muvozanatni tikladilar. Guruhning boshqa o'yinida «Sporting» kutilmaganda «Legiya»ga imkoniyatni boy berdi va Evrokuboklarni butunlay tark etdi. Evropa Chempionlar ligasi F guruhi. 6-tur Real Madrid – Borussiya D  2:2 (1:0, 1:2)   Gollar: 1:0 – 28 Benzema, 2:0 – 53 Benzema, 2:1 – 60 Obameyang, 2:2 – 88 Roys. Real Madrid – Navas, Varan, Marselo, Karvaxal, Ramos, Modrich (Kroos, 63), Kazemiro, Xames, Vaskes, Benzema (Morata, 85), Ronaldu. Borussiya D – Vaydenfeller, Papastatopulos, Shmeltser, Pishchek, Bartra, Vaygl, Kastro (Rode, 80), Shyurrle (Roys, 61), Pulishich (Mor, 61), Obameyang, Dembele. Ogohlantirishlar: Modrich (38), Kazemiro (69), Papastatopulos (71). Legiya – Sporting  1:0 (1:0, 0:0)   Gol: 1:0 – 30 Gilerme. Legiya – Malyaj, Jeznichak, Gloushek, Bereshinski, Pazdan, Mulen, Kopchinski, Odjidja-Ofoe, Gilerme (Kuxarchik, 62), Radovich (Dombrovski, 90), Priyovich (Xyamyalyaynen, 86). Sporting – Ruy Patrisiu, Koates, Zegelar (Andre, 68), Paulu Oliveyra (Eshgayyu, 58), Ruben Semedu, Markovich (Ruis, 59), Vilyam Karvalyu, Bruno Sezar, Adrien Silva, Jelson Martinsh, Dost. Ogohlantirishlar: Kopchinski (36), Adrien Silva (56), Jeznichak (74), Odjidja-Ofoe (75), Radovich (79), Vilyam Karvalyu (81), Pazdan (81). Chetlatish: Vilyam Karvalyu (85). F - Guruhi № Jamoa O'yin G'alaba Durang Mag'lubiyat T-N Ochko 1 Borussiya D 6 4 2 0 21-9 14 2 Real Madrid 6 3 3 0 16-10 12 3 Legiya 6 1 1 4 9-24 4 4 Sporting 6 1 0 5 5-8 3
— deya xabar beradi uff.uz nashri.