Londonning "Arsenal" klubi yarim himoyachisi Mesut O'zil yozda boshqa jamoaga o'tib ketishi mumkin.
Londonliklar shu vaqtga qadar 28 yoshli futbolchi bilan yangi shartnoma borasida kelishuvga erisha olmadi. O'zilning ayni vaqtdagi shartnomasi muddati 2018 yilning yozida yakuniga etishi lozim.
O'zil ham xuddi Aleksis Sanches singari "Arsenal"da yiliga 20 million funt maosh olishni istamoqda. Ammo "to'pchilar" 15 million funtdan ortiq to'lamasliklarini bildirishgan. Shu bilan birga O'zil ham, Sanches ham kimdir o'zidan ko'proq maosh olishini istamayapti. "Arsenal" bosh murabbiyi Arsen Venger esa futbolchilarni pulni birinchi o'ringa qo'ymaslikka chaqirmoqda.
Agarda yozga qadar tomonlar shartnoma borasida bir qarorga kela olmasalar, "Arsenal" O'zilni sotib yuborishi mumkin. Eslatib o'tamiz, ayni vaqtda O'zil haftasiga 140 ming funt maosh oladi va jamoaning eng ko'p daromad qiladigan futbolchisi bo'lib turibdi. Aleksis Sanchesga esa haftasiga 130 ming evro to'lanmoqda.
— deya xabar beradi uff.uz nashri.