Madridning "Real" klubi sobiq himoyachisi Roberto Karlos EChL 1/8 finalida qaysi jamoani raqib sifatida ko'rishni istashini aytib o'tdi. Braziliyalik mutaxassis madridliklarga "Monako" to'g'ri kelishini xohlamoqda.
"Real"ga raqib sifatida "Monako"ni ko'rishni istayman. To'g'ri, agar "Real" xuddi shunday o'ynashda davom etsa, kim raqib bo'lishi meni aslo xavotirga solmaydi.
Aksincha, raqiblarimiz biz bilan tushganidan tashvish tortsinlar", - deydi Roberto Karlos.
Eslatib o'tamiz, "Real" EChL guruhida 12 ochko bilan ikkinchi o'rinni egalladi. Birinchi o'rin esa "Borussiya D"ga nasib etgan.
— deya xabar beradi uff.uz nashri.