Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Uka o'rnida ukalar yoxud yana o'smirlarimiz haqida
O'zbekiston o'smirlar terma jamoasi yaqinda Osiyo chempionati-2016 uchun o'tkazilgan saralashda muvaffaqiyatli ishtirok etib qaytdi. Temurxo'ja Olimxo'jaev shogirdlari Falastindagi musobaqada 3ta o'yin o'tkazib, ularning barchasida g'alaba qozondilar va oz emas, ko'p emas, naq 19ta gol urdilar.
Qo'yib yuborilgani esa bor-yo'g'i 2ta. Garchi Maldiv orollari, Falastin va Yaman termalari kabi kamtarin raqiblar bilan o'ynalgan bo'lsada, yirik hisobli g'alaba, baribir, yirik hisobli g'alaba bo'lib qolaveradi. Shunday emasmi?
YuTUQLAR
Endi o'smirlarimiz kelasi yilning sentyabrida Hindistonda bo'lib o'tadigan Osiyo chempionati final raundida ishtirok etadilar va nasib qilsa, kichik mundial yo'llanmasini ham qo'lga kiritadilar. So'nggi yillarda bu yaxshi an'ana shakliga kirib ulgurdi va sizu biz Olimxo'jaev shogirdlaridan ham kamida shunday natija kutishimiz turgan gap. Yigitlarimiz balki 3 yil ilgarigidek Osiyo chempioni bo'larlar. Axir bir marta erishilgan yutuq nima uchun yana takrorlanmasligi kerak?
Biz yosh futbolchilarimizning muvaffaqiyatlariga ko'nikib ulgurganmiz. Mana, yaqinda Jasur Abduraimov boshchiligidagi yoshlar terma jamoamiz ham Yaponiyada o'tkazilgan Balcom BMW musobaqasida g'oliblikni qo'lga kiritdi. E'tiborli tomoni, yoshlarimiz bu turnirda Yaponiya kabi Osiyo futboli etakchisi va Polsha kabi Evropa vakilini mag'lubiyatga uchratishdi. Bu esa O'zbekiston hamon yosh va iqtidorli futbolchilar mamlakati bo'lib qolayotganini bildiradi. Ushbu nufuzni allaqachon o'zimizniki qilib olganmiz. Ammo hamma gap shundaki, bizda «yoshlar va iqtidorlar» masalasi qay darajada yuqori tursa, yigitlarimizning balog'at yoshiga etgach, ko'rinmay ketayotganlari shu qadar muammolidir. Yutuqlar-ku, o'zimizniki, biz mana shu muammoga yana bir nazar tashlaylik.
MUAMMO
Aslida bu holatga xuddi o'sha muvaffaqiyatlarga ko'nikkandek moslashib bo'lgandekmiz. Qanchadan-qancha «yulduzlarimiz» 16 yoshda porlab, 19ga etmay, «so'nmoqdalar», sanasangiz, sanoqdan adashib ketasiz. Misol uchun, hozir ham 2009 yili Aleksey Evstafeev boshchiligida Osiyo chempionati finaliga chiqqan o'smirlar terma jamoamiz tarkibini yoddan aytib berishimiz mumkin. Aynan o'sha jamoaning Toshkentdagi g'aroyib o'yinlari evaziga yoshlar futbolida ko'tarilish boshlangan edi. Keyinchalik Ahmadjon Musaev va Dilshod Nuraliev shogirdlari bu ertakni davom ettirdilar. Jahon chempionatlarida ishtirok etish-ku, cho't bo'lmay qoldi. Deyarli har safar qaysidir terma jamoamiz mundial havosidan nafas olib qaytmoqda. Ammo keyinchalik... Hamma gap shundaki, keyinchalik o'sha futbolchilarni yo'qotib qo'ymoqdamiz.
Keling, shu o'rinda Aleksey Evstafeevning o'sha mashhur jamoasiga murojaat etsak. Tarkibda Abbos Maxstaliev va Temur Hakimov chinakam etakchilar rolida edilar. Biz bu futbolchilardan biri kamida Mirjalol Qosimov, boshqasi Oleg Shatskix bo'lishini kutgandik. Ammo Maxstaliev hozir o'rtamiyona «Neftchi»da o'ynamoqda, Hakimov esa faoliyatini birinchi ligada davom ettiryapti. Vaholanki, ularni kamida Rossiya chempionatida ko'rishga umid bog'lagandik.
O'sha terma jamoadan Sardor Rahmonov, Sardor Sobirxo'jaev va Zabihillo O'rinboev kabi futbolchilar ham etishib chiqdilar. Ammo hozir ularning hech biri milliy terma jamoada o'ynaydigan saviyada emas. Asiljon Mansurov, Azizbek Murotov va Davlatbek Yorbekov kabilar esa umuman ko'zga tashlanmay qolishdi. Eslang, vaqtida ularga ham qancha-qancha umidlar bog'langan edi...
RAQOBAT
Albatta, yoshlar futbolida o'zlarini ko'rsatib, keyinchalik yangi darajaga chiqishgan futbolchilar ham bor. Masalan, Igor Sergeev bugungi kunda milliy terma jamoaning asosiy hujumchilaridan hisoblanadi. Shuningdek, Vladimir Kozak va jarohatidan tiklanish bilan band bo'lgan Jamshid Iskanderov ham bu ro'yxatga qo'shish mumkin. Ammo allaqachon 22 yoshni qoralab qo'ygan bu futbolchilar biz kutgandek natija keltirdilarmi? Bahsli masala. Aytaylik, Jamshid Iskanderov Evropa darajasidagi futbolchi bo'lishini kutgandik.
Ammo u kezi kelganda, «Paxtakor» zaxirasida ham qolib ketdi. Ya'ni Jamshid jarohat olgunga qadar o'z klubining etakchilaridan edi, deyishga til bormaydi. Vladimir Kozak masalasida ham ko'p gapirmagan ma'qul. Bu futbolchiga o'z vaqtida Kiev «Dinamo»si qiziqish bildirgan ekan. Ammo hozir u «Dinamo»ning yaqiniga ham borolmasa kerak. Xo'sh, nima uchun bu futbolchilar oliy ligadan tashqariga chiqolmadilar?
Ba'zilar buni O'zbekiston milliy terma jamoasidagi raqobat bilan bog'laydilar. Shunday fikrni qabul qilish mumkin, albatta. Chunki hech bir futbolchi terma jamoada o'zini ko'rsatmay turib, xorij skautlari e'tiborini jalb qilolmaydi. Yosh futbolchilarning esa, milliy terma jamoaga kelganda raqobatga dosh berolmasliklari ham turgan gap. Chunki bu erning o'z «bo'rilari» bor. Masalan, Jamshid Iskanderov tajribali Server Jeparovni, Vladimir Kozak esa Odil Ahmedov va Aziz Haydarovni tarkibdan osongina chiqarib yuborishi qiyin masala. Igor Sergeevning kutilmaganda muvaffaqiyatli o'ynab ketishini esa, hujumdagi muammo bilan bog'laylik. Bir qarashda, dastak qilishga arzirli dalil.
Ammo hamma gap shundaki, istak va xohish etarli bo'lsa, hamma ishning uddasidan chiqish mumkinligini Sardor Rashidov isbotlab qo'ydi. Bu futbolchi terma jamoada Jasur Hasanov va Sanjar Tursunov kabi ko'pni ko'rgan yarim himoyachilar o'rnini olib qo'ydi. Aslida Sardor ham boshqalar kabi termadagi faoliyatini zaxiradan 15 daqiqacha maydonga tushish bilan boshlagandi. Ammo u shu 15 daqiqadan juda unumli foydalandiki, oqibatda hech qancha fursat o'tmay, termaning asosiy futbolchilaridan biriga aylandi. Nima, Kozak, Iskanderov va Maxstalievga shu imkoniyat berilmadimi? Berildi, albatta. Ammo ular imkoniyatdan foydalanolmadilar. Natijada hamon oliy ligada o'ynashda davom etmoqdalar, Rashidov esa Qatarda million dollarlik shartnomaga ega chiqdi.
SABAB
Albatta, har qanday muammoning sababi bo'ladi. Balki o'zbek futbolida yosh iqtidorlarning kattalar miqyosiga o'tishlaridagi muammo eng avvalo, ruhiyat va hissiyot bilan bog'liqdir. Gap shundaki, 16 yosh - o'tish davri hisoblanadi. Shu yoshdagi futbolchi birdan yulduzga aylanib qolsa, keyinchalik bu davrni engib o'tishi ancha qiyin kechadi. Hali maktabni bitirmagan bolakay butun mamlakat taniydigan yulduzga aylangach, Messinikidek iqtidori bo'lsa ham, uni yo'qotib qo'yishi hech gap emas. Buni hayotiy tajribadan bilamiz.
Eng oddiy misol - Temur Hakimov. Bu hujumchi 15 yoshida ko'rsatgan o'yini bilan bizni qay darajada hayrat ko'chasiga etaklagan bo'lsa, qolgan vaqtda faqat va faqat hafsalani pir qildi. 21 yoshga to'lib erishgani esa shuki, tunov kuni «Oq-tepa» safida «xet-trik» qayd etdi. Bilmaganlar uchun aytib qo'yamiz, bu klub ayni vaqt birinchi ligada etakchilar safida bormoqda va «oliy» chiptasiga asosiy da'vogarlardan. Balki uni elitaga Temur olib chiqar. Ammo undan kutganimiz shumidi? Kamida «Levante» yoki «Vest Xem»da o'ynashini orzu qilmaganmidik?
Aslida bizda bunday futbolchilar bir talay. Masalan, Dilshod Nuraliev boshchilik qilgan o'smirlar terma jamoasida Jamshid Boltaboev alohida ajralib turardi. Vaqtida u Alen Xalilovichi bor Xorvatiya termasi darvozasiga hal qiluvchi golni urgan. Ammo hozir Xalilovich «Barselona» ixtiyorida (garchi ijaraga berilgan bo'lsada), Jamshid esa «Paxtakor»ning zaxira o'rindig'ida ham ko'rinmay qoldi.
Balki biz bu futbolchilardan erta «yulduz» yasab olmay, ularga sal e'tiborsiz qaraganimizda, taqdirlari boshqacha kecharmidi? Temur Hakimov JChda gol urib, meksikalik muxlisalarga bo'sa uchun yuzini tutib berayotgan vaqt Yanuzay qora terga botib, mashg'ulot o'tagan. Boltaboevni yulduzga aylantirib qo'yganimizda esa, Xalilovich «Barselona» va «Real»dan tushgan takliflardan qay birini tanlash haqida o'ylayotgandi. Agar futbolchining faoliyati faqat bir musobaqa bilan o'lchanadigan bo'lsa, biznikilarga teng keladigani kam. Biroq uzoqroq faoliyat haqida gap borsa...
Bizning aybimiz - futbolchilarni bitta musobaqaga yaxshi tayyorlaymiz-u, ammo ularning kelajaklari haqida kam o'ylaymiz...
YaNA BIR MUAMMO
Aslida bu masalaning faqat bir tomoni, xolos. Muammoning yana bir ildizi bor-ki, bu haqda ham gapirib o'tish o'rinli. Futbolimizda bitta illat bor - yosh surdirish. Buni hamma biladiyu, ammo gapirishni ma'qul ko'rmaydi. Shu o'rinda bir voqeani bayon qilsam. O'zbekiston o'smirlar terma jamoasi Meksikadan qahramon bo'lib qaytgan vaqtlar edi. O'shanda «Paxtakor» stadionida O'zbekiston milliy jamoasi adashmasam, Yaponiya termasini qabul qilgan. Uchrashuvni tomosha qilishga o'smirlar ham butun jamoa bo'lib kelishgan ekan. Aksiga olib, ulardan 3 nafari ortda qolib ketgani uchun tribunaga tusholmabdi. Tribuna eshigini qo'riqlab turgan nazoratchi futbolga qiziqmasa qiyin, hech narsaga ko'nmaydi.
Uning bu yigitlarning bir oydan beri televizor ekranidan tushishmayotgani bilan ishi yo'q. Futbol ko'rmasa, nima qilsin? U yulduz bo'ladimi yoki boshqa - baribir. Xullas, vaziyatga aralashishga to'g'ri keldi va hujjatlarimni ko'rsatib, jurnalist ekanimni aytib, futbolchilarni tribunaga kiritib yubordim. Shu vaqtda g'alati holat ro'y berdi. «Yulduzlar»dan birining telefon raqamini yozib olmoqchi bo'ldim. Intervyu uchun, albatta. Ammo har qancha zo'r berib chaqirmay, futbolchi qaramay ketaverardi. Faqat, yonidagi sheriklari to'xtatishgach, «yulduz» ortiga qayrilib, biroz xijolat holda men bilan gaplashdi. Keyinchalik bilishimcha, men uning ismini aytib chaqiraveribman, bu ism aslida unga emas, ukasiga tegishli ekan. Ya'ni futbolchi ukasining tug'ilganlik haqidagi guvohnomasi bilan jahon chempionatida o'ynab kelgan... Har holda, menga shunday deyishdi.
Vaziyat shunday ekan, «yulduzlarimiz» nega erta so'nishayotganini aytish shartmikan? Albatta, hamma ham yoshini surdiravermaydi, balki bunaqalar juda kamdir. Ammo bor! O'ylashimcha, futbolimizda shunday illat borligini tan oladigan fursat etib keldi. Kimdir hujjat to'g'rilab, yoshini kichraytirib olmoqda, boshqasi ortiqcha ovoragarchilik qilmay, shunchaki, ukasining «metrika»si bilan o'ynab ketyapti. Bunaqa misollarni o'zingiz ham bilsangiz kerak. Ammo aytmaysiz. Kimdadir dalil yo'q, boshqa birov yaxshigina o'ynab turgan tanishining faoliyatini sindirgisi kelmaydi. Hamma o'zicha haq.
Aslida yosh surdirish kasalligi butun dunyoda bor. O'tgan yilmidi yoki undan oldingisi - kolumbiyalik yulduz Radamel Falkaoning asl hujjatlari internetda tarqab ketgan va unga ko'ra, futbolchi naq 4 yoshga kichrayib olgani aytilgandi. Yoki «Inter»da porlagan va keyinchalik sekingina sotib yuborilgan Obafemi Martinsni olaylik. Afrikalik hujumchi hujjatda ko'rsatilganiga qaraganda, 6 yosh katta ekanini milanliklar to'satdan bilib qolishgani haqidagi gap-so'zlar hozirgacha tinmadi. Xuddi shunday fikr «Chelsi» yulduzi Diego Kosta haqida ham aytilgan.
Ammo bu yo'ldan voz kechmasak bo'lmaydi. Chunki bizdagi «uka o'rnida uka» bo'lib yurganlar hali-veri Evropaga chiqolmasalar kerak...
Manba: "InterFUTBOL" gazetasi
— deya xabar beradi uff.uz nashri.
Qo'yib yuborilgani esa bor-yo'g'i 2ta. Garchi Maldiv orollari, Falastin va Yaman termalari kabi kamtarin raqiblar bilan o'ynalgan bo'lsada, yirik hisobli g'alaba, baribir, yirik hisobli g'alaba bo'lib qolaveradi. Shunday emasmi?
YuTUQLAR
Endi o'smirlarimiz kelasi yilning sentyabrida Hindistonda bo'lib o'tadigan Osiyo chempionati final raundida ishtirok etadilar va nasib qilsa, kichik mundial yo'llanmasini ham qo'lga kiritadilar. So'nggi yillarda bu yaxshi an'ana shakliga kirib ulgurdi va sizu biz Olimxo'jaev shogirdlaridan ham kamida shunday natija kutishimiz turgan gap. Yigitlarimiz balki 3 yil ilgarigidek Osiyo chempioni bo'larlar. Axir bir marta erishilgan yutuq nima uchun yana takrorlanmasligi kerak?
Biz yosh futbolchilarimizning muvaffaqiyatlariga ko'nikib ulgurganmiz. Mana, yaqinda Jasur Abduraimov boshchiligidagi yoshlar terma jamoamiz ham Yaponiyada o'tkazilgan Balcom BMW musobaqasida g'oliblikni qo'lga kiritdi. E'tiborli tomoni, yoshlarimiz bu turnirda Yaponiya kabi Osiyo futboli etakchisi va Polsha kabi Evropa vakilini mag'lubiyatga uchratishdi. Bu esa O'zbekiston hamon yosh va iqtidorli futbolchilar mamlakati bo'lib qolayotganini bildiradi. Ushbu nufuzni allaqachon o'zimizniki qilib olganmiz. Ammo hamma gap shundaki, bizda «yoshlar va iqtidorlar» masalasi qay darajada yuqori tursa, yigitlarimizning balog'at yoshiga etgach, ko'rinmay ketayotganlari shu qadar muammolidir. Yutuqlar-ku, o'zimizniki, biz mana shu muammoga yana bir nazar tashlaylik.
MUAMMO
Aslida bu holatga xuddi o'sha muvaffaqiyatlarga ko'nikkandek moslashib bo'lgandekmiz. Qanchadan-qancha «yulduzlarimiz» 16 yoshda porlab, 19ga etmay, «so'nmoqdalar», sanasangiz, sanoqdan adashib ketasiz. Misol uchun, hozir ham 2009 yili Aleksey Evstafeev boshchiligida Osiyo chempionati finaliga chiqqan o'smirlar terma jamoamiz tarkibini yoddan aytib berishimiz mumkin. Aynan o'sha jamoaning Toshkentdagi g'aroyib o'yinlari evaziga yoshlar futbolida ko'tarilish boshlangan edi. Keyinchalik Ahmadjon Musaev va Dilshod Nuraliev shogirdlari bu ertakni davom ettirdilar. Jahon chempionatlarida ishtirok etish-ku, cho't bo'lmay qoldi. Deyarli har safar qaysidir terma jamoamiz mundial havosidan nafas olib qaytmoqda. Ammo keyinchalik... Hamma gap shundaki, keyinchalik o'sha futbolchilarni yo'qotib qo'ymoqdamiz.
Keling, shu o'rinda Aleksey Evstafeevning o'sha mashhur jamoasiga murojaat etsak. Tarkibda Abbos Maxstaliev va Temur Hakimov chinakam etakchilar rolida edilar. Biz bu futbolchilardan biri kamida Mirjalol Qosimov, boshqasi Oleg Shatskix bo'lishini kutgandik. Ammo Maxstaliev hozir o'rtamiyona «Neftchi»da o'ynamoqda, Hakimov esa faoliyatini birinchi ligada davom ettiryapti. Vaholanki, ularni kamida Rossiya chempionatida ko'rishga umid bog'lagandik.
O'sha terma jamoadan Sardor Rahmonov, Sardor Sobirxo'jaev va Zabihillo O'rinboev kabi futbolchilar ham etishib chiqdilar. Ammo hozir ularning hech biri milliy terma jamoada o'ynaydigan saviyada emas. Asiljon Mansurov, Azizbek Murotov va Davlatbek Yorbekov kabilar esa umuman ko'zga tashlanmay qolishdi. Eslang, vaqtida ularga ham qancha-qancha umidlar bog'langan edi...
RAQOBAT
Albatta, yoshlar futbolida o'zlarini ko'rsatib, keyinchalik yangi darajaga chiqishgan futbolchilar ham bor. Masalan, Igor Sergeev bugungi kunda milliy terma jamoaning asosiy hujumchilaridan hisoblanadi. Shuningdek, Vladimir Kozak va jarohatidan tiklanish bilan band bo'lgan Jamshid Iskanderov ham bu ro'yxatga qo'shish mumkin. Ammo allaqachon 22 yoshni qoralab qo'ygan bu futbolchilar biz kutgandek natija keltirdilarmi? Bahsli masala. Aytaylik, Jamshid Iskanderov Evropa darajasidagi futbolchi bo'lishini kutgandik.
Ammo u kezi kelganda, «Paxtakor» zaxirasida ham qolib ketdi. Ya'ni Jamshid jarohat olgunga qadar o'z klubining etakchilaridan edi, deyishga til bormaydi. Vladimir Kozak masalasida ham ko'p gapirmagan ma'qul. Bu futbolchiga o'z vaqtida Kiev «Dinamo»si qiziqish bildirgan ekan. Ammo hozir u «Dinamo»ning yaqiniga ham borolmasa kerak. Xo'sh, nima uchun bu futbolchilar oliy ligadan tashqariga chiqolmadilar?
Ba'zilar buni O'zbekiston milliy terma jamoasidagi raqobat bilan bog'laydilar. Shunday fikrni qabul qilish mumkin, albatta. Chunki hech bir futbolchi terma jamoada o'zini ko'rsatmay turib, xorij skautlari e'tiborini jalb qilolmaydi. Yosh futbolchilarning esa, milliy terma jamoaga kelganda raqobatga dosh berolmasliklari ham turgan gap. Chunki bu erning o'z «bo'rilari» bor. Masalan, Jamshid Iskanderov tajribali Server Jeparovni, Vladimir Kozak esa Odil Ahmedov va Aziz Haydarovni tarkibdan osongina chiqarib yuborishi qiyin masala. Igor Sergeevning kutilmaganda muvaffaqiyatli o'ynab ketishini esa, hujumdagi muammo bilan bog'laylik. Bir qarashda, dastak qilishga arzirli dalil.
Ammo hamma gap shundaki, istak va xohish etarli bo'lsa, hamma ishning uddasidan chiqish mumkinligini Sardor Rashidov isbotlab qo'ydi. Bu futbolchi terma jamoada Jasur Hasanov va Sanjar Tursunov kabi ko'pni ko'rgan yarim himoyachilar o'rnini olib qo'ydi. Aslida Sardor ham boshqalar kabi termadagi faoliyatini zaxiradan 15 daqiqacha maydonga tushish bilan boshlagandi. Ammo u shu 15 daqiqadan juda unumli foydalandiki, oqibatda hech qancha fursat o'tmay, termaning asosiy futbolchilaridan biriga aylandi. Nima, Kozak, Iskanderov va Maxstalievga shu imkoniyat berilmadimi? Berildi, albatta. Ammo ular imkoniyatdan foydalanolmadilar. Natijada hamon oliy ligada o'ynashda davom etmoqdalar, Rashidov esa Qatarda million dollarlik shartnomaga ega chiqdi.
SABAB
Albatta, har qanday muammoning sababi bo'ladi. Balki o'zbek futbolida yosh iqtidorlarning kattalar miqyosiga o'tishlaridagi muammo eng avvalo, ruhiyat va hissiyot bilan bog'liqdir. Gap shundaki, 16 yosh - o'tish davri hisoblanadi. Shu yoshdagi futbolchi birdan yulduzga aylanib qolsa, keyinchalik bu davrni engib o'tishi ancha qiyin kechadi. Hali maktabni bitirmagan bolakay butun mamlakat taniydigan yulduzga aylangach, Messinikidek iqtidori bo'lsa ham, uni yo'qotib qo'yishi hech gap emas. Buni hayotiy tajribadan bilamiz.
Eng oddiy misol - Temur Hakimov. Bu hujumchi 15 yoshida ko'rsatgan o'yini bilan bizni qay darajada hayrat ko'chasiga etaklagan bo'lsa, qolgan vaqtda faqat va faqat hafsalani pir qildi. 21 yoshga to'lib erishgani esa shuki, tunov kuni «Oq-tepa» safida «xet-trik» qayd etdi. Bilmaganlar uchun aytib qo'yamiz, bu klub ayni vaqt birinchi ligada etakchilar safida bormoqda va «oliy» chiptasiga asosiy da'vogarlardan. Balki uni elitaga Temur olib chiqar. Ammo undan kutganimiz shumidi? Kamida «Levante» yoki «Vest Xem»da o'ynashini orzu qilmaganmidik?
Aslida bizda bunday futbolchilar bir talay. Masalan, Dilshod Nuraliev boshchilik qilgan o'smirlar terma jamoasida Jamshid Boltaboev alohida ajralib turardi. Vaqtida u Alen Xalilovichi bor Xorvatiya termasi darvozasiga hal qiluvchi golni urgan. Ammo hozir Xalilovich «Barselona» ixtiyorida (garchi ijaraga berilgan bo'lsada), Jamshid esa «Paxtakor»ning zaxira o'rindig'ida ham ko'rinmay qoldi.
Balki biz bu futbolchilardan erta «yulduz» yasab olmay, ularga sal e'tiborsiz qaraganimizda, taqdirlari boshqacha kecharmidi? Temur Hakimov JChda gol urib, meksikalik muxlisalarga bo'sa uchun yuzini tutib berayotgan vaqt Yanuzay qora terga botib, mashg'ulot o'tagan. Boltaboevni yulduzga aylantirib qo'yganimizda esa, Xalilovich «Barselona» va «Real»dan tushgan takliflardan qay birini tanlash haqida o'ylayotgandi. Agar futbolchining faoliyati faqat bir musobaqa bilan o'lchanadigan bo'lsa, biznikilarga teng keladigani kam. Biroq uzoqroq faoliyat haqida gap borsa...
Bizning aybimiz - futbolchilarni bitta musobaqaga yaxshi tayyorlaymiz-u, ammo ularning kelajaklari haqida kam o'ylaymiz...
YaNA BIR MUAMMO
Aslida bu masalaning faqat bir tomoni, xolos. Muammoning yana bir ildizi bor-ki, bu haqda ham gapirib o'tish o'rinli. Futbolimizda bitta illat bor - yosh surdirish. Buni hamma biladiyu, ammo gapirishni ma'qul ko'rmaydi. Shu o'rinda bir voqeani bayon qilsam. O'zbekiston o'smirlar terma jamoasi Meksikadan qahramon bo'lib qaytgan vaqtlar edi. O'shanda «Paxtakor» stadionida O'zbekiston milliy jamoasi adashmasam, Yaponiya termasini qabul qilgan. Uchrashuvni tomosha qilishga o'smirlar ham butun jamoa bo'lib kelishgan ekan. Aksiga olib, ulardan 3 nafari ortda qolib ketgani uchun tribunaga tusholmabdi. Tribuna eshigini qo'riqlab turgan nazoratchi futbolga qiziqmasa qiyin, hech narsaga ko'nmaydi.
Uning bu yigitlarning bir oydan beri televizor ekranidan tushishmayotgani bilan ishi yo'q. Futbol ko'rmasa, nima qilsin? U yulduz bo'ladimi yoki boshqa - baribir. Xullas, vaziyatga aralashishga to'g'ri keldi va hujjatlarimni ko'rsatib, jurnalist ekanimni aytib, futbolchilarni tribunaga kiritib yubordim. Shu vaqtda g'alati holat ro'y berdi. «Yulduzlar»dan birining telefon raqamini yozib olmoqchi bo'ldim. Intervyu uchun, albatta. Ammo har qancha zo'r berib chaqirmay, futbolchi qaramay ketaverardi. Faqat, yonidagi sheriklari to'xtatishgach, «yulduz» ortiga qayrilib, biroz xijolat holda men bilan gaplashdi. Keyinchalik bilishimcha, men uning ismini aytib chaqiraveribman, bu ism aslida unga emas, ukasiga tegishli ekan. Ya'ni futbolchi ukasining tug'ilganlik haqidagi guvohnomasi bilan jahon chempionatida o'ynab kelgan... Har holda, menga shunday deyishdi.
Vaziyat shunday ekan, «yulduzlarimiz» nega erta so'nishayotganini aytish shartmikan? Albatta, hamma ham yoshini surdiravermaydi, balki bunaqalar juda kamdir. Ammo bor! O'ylashimcha, futbolimizda shunday illat borligini tan oladigan fursat etib keldi. Kimdir hujjat to'g'rilab, yoshini kichraytirib olmoqda, boshqasi ortiqcha ovoragarchilik qilmay, shunchaki, ukasining «metrika»si bilan o'ynab ketyapti. Bunaqa misollarni o'zingiz ham bilsangiz kerak. Ammo aytmaysiz. Kimdadir dalil yo'q, boshqa birov yaxshigina o'ynab turgan tanishining faoliyatini sindirgisi kelmaydi. Hamma o'zicha haq.
Aslida yosh surdirish kasalligi butun dunyoda bor. O'tgan yilmidi yoki undan oldingisi - kolumbiyalik yulduz Radamel Falkaoning asl hujjatlari internetda tarqab ketgan va unga ko'ra, futbolchi naq 4 yoshga kichrayib olgani aytilgandi. Yoki «Inter»da porlagan va keyinchalik sekingina sotib yuborilgan Obafemi Martinsni olaylik. Afrikalik hujumchi hujjatda ko'rsatilganiga qaraganda, 6 yosh katta ekanini milanliklar to'satdan bilib qolishgani haqidagi gap-so'zlar hozirgacha tinmadi. Xuddi shunday fikr «Chelsi» yulduzi Diego Kosta haqida ham aytilgan.
Ammo bu yo'ldan voz kechmasak bo'lmaydi. Chunki bizdagi «uka o'rnida uka» bo'lib yurganlar hali-veri Evropaga chiqolmasalar kerak...
Manba: "InterFUTBOL" gazetasi
— deya xabar beradi uff.uz nashri.
Bosh sahifaga
543