Uik-endning asosiy voqealari Dekabr oyining dastlabki dam olish oqshomlari ham futbol ishqibozlarini navbatdagi «spektakl»lar bilan siyladi. Zerikarli «klasiko» Azaliy qarama-qarshilikning «Kamp-Nou»dagi seriyasi anchayin zerikarli kechdi. Ayniqsa, birinchi bo'limda futbolchilar ham, to'p ham erinchoqlik bilan harakatlandi, go'yo. Xuddi o'tgan yilning mart oyida bo'lgani kabi, bu gal ham standart vaziyat «Barselona» joniga oro kirdi. Baland bo'yli Varandan ko'ra, chanqonroq harakatlangan Suares Navas darvozasini zabt etdi. Inesta maydonga tushirilganidan keyin to'p nazorati ko'proq mezbonlarda bo'ldi, odatiy kombinatsiyalar amalga osha boshladi. Biroq kataloniyaliklar himoyasining yagona xatosi - «Real»ga hisobni tenglashtirish imkonini berdi. Uchrashuvning so'nggi daqiqalari o'tayotgan bir paytda Maskerano negadir yon chiziq tomon ketayotgan Marseloni chalib yiqitdi. Oqibatda sovuqqon Ramos jarima maydonchasiga oshirib berilgan to'pni bosh bilan darvozaga joylab qo'ydi. Kutilganichalik qiziqarli darajaga ko'tarilmagan bellashuv shu zaylda nihoyasiga etdi. Mag'lubiyatga aylangan g'alaba Mazkur turdan keyin ikkinchi o'ringa ko'tarilib olishi lozim bo'lgan «Liverpul» «Bornmut»ga qarshi bahsni muvaffaqiyatli boshladi. qiziqarli kechgan uchrashuvning 60-daqiqasida mehmonlar 2 to'p farqi bilan oldinga chiqib olishgan, boz ustiga, sur'atni pasaytirish niyatida emasdilar. «qizillar» yana bir marta mezbonlar darvozasini ishg'ol etishdi. Biroq golni hakam ham, «burgut ko'zi» ham ko'rmay qoldi. Shu tariqa o'yinning 78-daqiqasida tabloda 1:4 emas, 3:3 hisobi yonib turardi. Ikki to'p farqini yo'qqa chiqargan mezbonlar so'nggi daqiqalarda faollikni oshirdilar va qo'shimcha vaqtning 3-daqiqasida Ake darvozabondan qaytgan to'pni golga aylantirdi. Natijada «Liverpul» «Din Kort»dan loaqal bir ochko bilan qaytish imkoniyatidan ham mahrum bo'ldi. Fellaynining «sovg'asi» «Gudison Park» muxlislari Maruan Fellaynini yaxshi bilishadi. Belgiyalik futbolchi «Everton»dagi 5 yillik faoliyati davomida nafaqat qo'ng'iroq sochlari, balki ishonchli o'yinlari bilan ham yodda qolgandi. Yakunda u o'z jamoasiga bir necha 10 mln.lik manfaat keltirgandi. Ehtimol, aynan shuning uchun ham mahalliy muxlislar uning maydonga tushishini hushtakbozlik bilan qarshi olishmadi. Aksincha yana bir necha daqiqadan so'ng qanday voqea yuz berishini bilganlarida, «MYu» muxlislari Maruanning maydonga tushishini kuchli norozilik bilan kutib olishardi. U tarkibga qo'shilganidan keyin mehmonlar maydon markazini mezbonlarga bo'shatib berishdi. «Everton» esa hech bo'lmaganda hisobni tenglashtirish maqsadida faollikni oshirdi. Ana shu pallada liverpulliklarning sobiq yarim himoyachisi «iriskalar»ga yordam bergisi kelib qoldimi, har holda zarurati bo'lmagan vaziyatda Geyega nisbatan qo'pollik ishlatdi. Natijada «Everton» penalti ishlab oldi, Beyns esa undan unumli foydalanib, «qizil iblislar»ni etakchilarga yaqinlashib olish imkoniyatidan mahrum etdi. Davomi iff.uz saytida
— deya xabar beradi uff.uz nashri.