“Chelsi” jamoasi ustozi Antonio Konte noyabr oyida APLning eng yaxshi murabbiyi deb topildi. Bu haqda tashkilot matbuot xizmati ma'lum qilmoqda. Noyabr oyida London klubi 4 ta ketma-ket g'alabaga erishdi – “Everton” – 5:0, “Midlsbro” – 1:0, “Tottenxem” – 2:1 va “Manchester Siti” – 3:1. Diego Kosta noyabr oyidagi to'rtta o'yindan uchtasida maydonga tushib, 2 ta gol va 2 ta golli uzatmaga mualliflik qildi. “Chelsi”ning yana bir a'zosi Pedro Rodriges noyabr oyidagi eng chiroyli gol muallifi bo'ldi. Angliya chempionati 14-turidan keyin “Chelsi” 34 ochko bilan turnir jadvalida peshqadamlik qilmoqda. Ikkinchi o'rinda borayotgan “Arsenal” hisobida 3 ochkoga kamroq. 
— deya xabar beradi uff.uz nashri.