«Tottenxem» klubi bosh murabbiyi Maurisio Pochettino «MYu» ustozi Joze Mourinoning maydon chetidagi tartibsiz harakatiga o'z munosabatini bildirib o'tdi. Angliya Futbol assotsiatsiyasi chempionat 13-turidagi «Vest Xem»ga qarshi uchrashuvda tartibsizlikni yuzaga keltirgani uchun Mourinoni bitta o'yinga  diskvalifikatsiya qildi. «Mourinoning qilig'i? Ba'zida maydon chetida turib, o'zingni boshqarish juda qiyin bo'lib qoladi. Uning bu harakati normal holat. Menga Mourino yoqadi, u bilan iliq munosabatdaman. Matbuot unga ko'proq e'tibor qaratadi, chunki u betakror. Men uchun Mourino betakror hamda o'ziga hos inson va shunday bo'lib qoladi. «Espanol»da ish boshlagan vaqtlarimda, u menga yordam bergan. Uning eshiklari men uchun har doim ochiq edi. Men har bir masalaga holis baho berishga intilaman. Joze men uchun hozirda va har doim dunyoning eng yaxshi murabbiylaridan biri bo'lib qoladi», – deya Pochettino so'zlarini keltirmoqda Sky Sports nashri.
— deya xabar beradi uff.uz nashri.