So'nggi yillarda O'zbekistonlik bir qancha futbolchilar legionerga aylanib qator chempionatlarda to'p surishmoqda. Ular orasida Rossiya, Ukraina, Xorvatiya, Serbiya, Koreya kabi chempionatlarda to'p surayotganlari ham bor. Biz O'zbekistonlik legionerlardan tuzilgan TOP-10 talikni e'tiboringizga havola qilamiz. Reytingni tuzishda futbolchilarimizning to'p surgan chempionatlari, sovrinlari va qayd etgan natijalariga tayandik.
10. Aleksandr Geynrix (116 o'yin – 34 gol)
O'ynagan jamolari: «TsSKA» (Rossiya 2-0), «Torpedo» (Rossiya 21-5), «Suvon Blyuingz» (Janubiy Koreya 19-3), «Emirates» (BAA 6-2), «Aktobe» ( Q ozo g' iston 58-21), “Ordabasi” (Rossiya, 10-3)
Yutuqlari: Rossiya chempioni, Q ozo g' iston chempioni
Sasha 18 yoshidayoq «yulduz» bo'lib porlay boshladi. Natijada Rossiyaning «TsSKA» klubi tarkibda qisqa vaqt bo'lsa ham to'p surdi. Shundan keyin «Torpedo»ning asosiy hujumchisiga aylangan xamyurtimiz, jamoa quyi divizionga tushib ketgach, yurtimizga qaytib keldi. 2011 yilgi Osiyo kubogidan keyin esa Koreyaning «Suvon Blyuingz» jamoasiga yo'l oldi. K-ligada 3 ta gol kiritgan Geynrix, so'ngra BAA va Qozog'iston chempionatlarida ham to'p surdi. U Rossiya va Qozog'iston chempionatlarida zafar quchishga ham muvaffaq bo'lgan. Aleksandrning xorij jamoalarida kiritgan umumiy gollari soni 34 tani tashkil qilmoqda.
9. Andrey Fyodorov (183 o'yin – 16 gol)
O'ynagan jamoalari: «Alanya» (Rossiya 42-1), «Baltika» (Rossiya 14-0), «Rubin» (Rossiya 127-15)
Yutuqlari: Rossiya chempioni
Fyodorov Rossiya chempionatida barqaror o'yin ko'rsatib, muxlislar qalbidan joy olgan. Andrey faoliyatining asosiy qismini Qozonning «Rubin» klubida o'tkazadi. Ushbu jamoa safida himoyachimiz 127 o'yinda ishtirok etib, 15 ta golga mualliflik qildi. 2008-yili esa Qozonliklarning tarixiy chempionlikni qo'lga kiritishlarida katta hissasini qo'shdi.
8. Jafar Irismetov (177 o'yin – 70 gol)
O'ynagan jamoalari: «Panatinaikos» (Gretsiya 1-0), «Chernomorets» (Ukraina 7-1), «Spartak Moskva» (Rossiya 8-0), «Slaviya» (Belorussiya 9-3), «Anji» (Rossiya 11-3), «Krivbass» (Ukraina 11-1), «Qayrat» (Qozog'iston 49-22), «Olma Ota» (Qozog'iston 64-38), «Aktobe» (Qozog'iston 15-2), «Lyaoning» (Xitoy 2-0)
Yutuqlari: Rossiya chempioni, Qozog'iston chempioni, Qozog'iston kubogi egasi. 2 karra Qozog'iston chempionati to'purari
Jafar 6 ta xorijiy chempionatlarda to'p surishga muvaffaq bo'lgan. Dastlab Gretsiyaning «Panatinaikos» klubida qisqa davr to'p surgan hujumchi, shundan keyin Ukraina, Rossiya va Belorussiya jamoalari tarkibida ham maydonga tushdi. Balki Oliver Kan Irismetovning «qaychi» uslubida bergan zarbasini qaytara olmaganida, futbolchi «Spartak» Moskva jamoasida ko'proq o'ynagan bo'larmidi. Jafarning eng omadli davrlari Qozog'istonda o'tdi. U «Qayrat» va «Olma Ota» safida mamlakat chempionati to'purarligini qo'lga kiritadi. Xitoyda esa u o'zini ko'rsata olmadi.
Davomi Furqat Yusupov blogida.
— deya xabar beradi uff.uz nashri.