Ispaniya chempionati 15-turidan o'rin olgan «Real» Madrid – «Deportivo» uchrashuvi o'z nihoyasiga etdi. Ramosning so'nggi daqiqalardagi kiritgan goli madridliklarga g'alaba olib keldi. Uchrashuvning 50-daqiqasida Morata o'yindagi hisobni ochdi, oradan ko'p o'tmay zaxiradan maydonga tushgan mehmonlar vakili Xoselu ikki daqiqani ichida ikkita gol urib, «Deportivo» oldinga olib chiqdi. Shundan so'ng «Real» futbolchilarining ketma-ket hujumlari 84-daqiqada o'z mevasini berdi, Vaskesning to'p uzatishidan so'ng «qirollik klubi» hujumchisi Mariano Dias darvozani ishg'ol etib, o'rtadagi muvozanatni tikladi. Hakam tomonidan qo'shib berilgan daqiqalar o'tib borayotgan bir vaqtda, Kroos to'pni burchakdan o'yinga kiritdi va Ramos yana o'z uslubida madridliklarni qutqarib qoldi. Ispaniya chempionati. 15-tur Real Madrid – Deportivo 3:2 (0:0, 3:2) Gollar: 1:0 – 50 Morata, 1:1 – 63 Xoselu, 1:2 – 65 Xoselu, 2:2 – 84 Dias, 3:2 – 90+2 Ramos. Real Madrid – Navas, Pepe, Nacho, Danilo (Marselo, 81), Ramos, Kazemiro, Kroos, Isko (Dias, 72), Asensio (Vaskes, 66), Xames, Morata. Deportivo – Tiiton, Sidney, Albentosa, Navarro, Xuanfran, Gilerme, Borxes, Cholak (Xoselu, 58), Xil, Babel (Fajr, 82), Andone (Moskera, 75). Ogohlantirish: Borxes (25), Babel (45), Albentosa (59), Morata (70), Navas (88), Ramos (88).
— deya xabar beradi uff.uz nashri.