Madridning "Real" jamoasi tarixidagi rekordchilari haqida ma'lumot berishda davom etamiz. Quyida klub tarkibida turli xil musobaqalarda eng ko'p maydonga tushgan futbolchilar bilan tanishishingiz mumkin.
Evrokuboklar va Chempionlar ligasida eng ko'p maydonga tushgan futbolchi - Iker Kasilyas
Kasilyas yana ikki ko'rsatkich bo'yicha ham peshqadamlik qilmoqda. Chempionlar ligasida 152, evrokuboklarda esa 155 o'yin o'tkazgan Ikerga bu borada ham raqobatchi yo'q.
Kubok egalari kubogida eng ko'p maydonga tushgan futbolchi - Goyo Benito
Klub tarbiyalanuvchisi bo'lgan Benito 1966-1982 yillar davomida jamoa tarkibida 317 o'yin o'tkazgan. Ana shu bahslarning 16 tasi kubok egalari kubogi musobaqasiga to'g'ri keladi.
UEFA kubogi (Evropa ligasi)da eng ko'p maydonga tushgan futbolchi - Michel
"Real" tarbiyalanuvchisi bo'lgan yana bir futbolchi Michel jamoa tarkibida 1982-1996 yillarda to'p surgan. U UEFA kubogida 44 ta uchrashuv o'tkazib, ushbu turnirda ikki marta g'olib chiqqan.
UEFA superkubogida eng ko'p maydonga tushgan futbolchilar - Iker Kasilyas, Roberto Karlos, Raul
Darvozabon, himoyachi va hujumchi pozitsiyasida to'p suradigan yuqorida nomi qayd etilgan uch futbolchi Evropa superkubogida uch martadan maydonga tushishga muvaffaq bo'lishgan.
Qit'alararo kubogifa eng ko'p maydonga tushgan futbolchilar - Fernando Erro, Roberto Karlos, Raul
Mazkur uch o'yinchi esa qit'aalararo kubogi turnirida uchtadan o'yin o'tkazib, klub rekordlar kitobiga kirishgan.
Klublar o'rtasidagi jaxon chempionatida eng ko'p maydonga tushgan futbolchi - Iker Kasilyas
Kasilyas 2000 va 2014 yilgi klublar o'rtasidagi mundiallarda jami 5 ta uchrashuvda ishtirok etgan. Iker 2014 yili mazkur musobaqaning oltin medaliga ega chiqqan. Davomi Furqat Yusupov blogida.
— deya xabar beradi uff.uz nashri.