Andijon shahridagi tennis maktabida 5-10 dekabr kunlari O'zbekiston Respublikasi Konstitutsiyasi qabul qilingan sanaga bag'ishlab, huquqni muhofaza qiluvchi organlar xodimlari, ularning oilalari hamda maktab o'quvchilari o'rtasida Respublika ochiq tennis turniri o'tkazildi.
Viloyat tennis federatsiyasining sovrini uchun o'tkazilgan musobaqada yakkalik bahslari g'oyat qiziqarli o'tdi. Oilaviy musobaqalarda viloyat ichki ishlar boshqarmasidan To'xtaboevlar oilasi bosh sovrinni qo'lga kiritdi. 2004-2005 yilda tug'ilgan yosh tennischilar yakkalik bahslarida qo'rg'ontepalik Sadbaroy Xoldorova va farg'onalik Qodir Odilov, katta yoshdagi  sportchilar o'rtasida IBO'SM tarbiyalanuvchisi Samandar Abdumalikov va qo'rg'ontepalik Muslima Oxunovalar birinchi o'rinni egalladilar.
Turnirning taqdirlash marosimida so'z olgan viloyat hokimining birinchi o'rinbosari Maxamadjan Nishanov g'olib va sovrindorlarni qutlab, ularga mukofotlarni tantanali ravishda topshirdi.     
Elmurod Ermatov, Andijon
— deya xabar beradi uff.uz nashri.