Italiya chempionatining 16-turidan o'rin olgan “Torino” – “Yuventus” uchrashuvi o'z nihoyasiga etdi. Unda 1:3 hisobi qayd etilib, mehmonlarning g'alabasi bilan yakunlandi. Dastlab, birinchi bo'limning 16-daqiqasida Belotti mezbonlarni hisobda oldinga olib chiqdi. Oradan 12 daqiqa o'tib, Gonsalo Iguain javob golini kiritdi. Ikkinchi bo'limning 82-daqiqasiga kelib, yana argentinalik futbolchining o'zi Jo Xartni ikkinchi bor ranjitishga muvaffaq bo'ldi – 1:2. Ikkinchi bo'limga qo'shib berilgan vaqtda esa Miralem Pyanich uchinchi gol kiritib, yakuniy 1:3 hisobini tabloda aks ettirdi. Shu tariqa, “Yuventus” Turin debrisida “Torino”ni mag'lubiyatga uchratdi. Italiya chempionati
16-tur Torino – Yuventus 1:3 (1:1, 0:2)
Gollar: 1:0 – 16 Belotti, 1:1 – 28 Iguain, 1:2 – 82 Iguain, 1:3 – 90 Pyanich.
Torino – Xart, Rossettini, Barreka, Dzappakosta, Kastan, Bazelli (Akkua, 81), Valdifori, Yago Falke (Martines, 82), Benassi (Boye, 81), Lyayich, Belotti.
Yuventus – Buffon, Rugani, Aleks Sandro, Lixtshtayner, Kellini, Xedira, Markizio, Sturaro (Lemina, 67), Kuadrado (Pyanich, 81), Mandjukich (Dibala, 71), Iguain.
Ogohlantirishlar: Kastan (35), Manjukich (36), Rugani (56).
— deya xabar beradi uff.uz nashri.