O'zbekiston terma jamoasi va "Krasnodar" klubi yarim himoyachisi Odil Ahmedov kecha Pekinga etib keldi. Xitoy poytaxtida Ahmedov o'z agenti bilan uchrashdi va yangi klubi bilan muzokara boshladi.
Hozirga qadar Odil Ahmedov qaysi klubga o'tishi haqida aniq ma'lumot paydo bo'lmagan. Ammo Rossiya nashrlari tomonidan xabar qilinishicha, bu klub "Shandun Lunen" bo'lishi ehtimoli katta. Yarim himoyachi bugun ushbu klubda tibbiy ko'rikdan o'tishi kutilmoqda.
Eslatib o'tamiz, biroz vaqt muqaddam saytimiz orqali "Krasnodar" Odil Ahmedovni 7-8 million evro evaziga sotib yuborishi aytilgan edi. Yarim himoyachi joriy mavsum Rossiya chempionati va Kubogida 15 uchrashuvda maydonga tushdi va birorta ham golli vaziyatda ishtirok etmadi.

— deya xabar beradi uff.uz nashri.