FootballLeakssayti tomonidan berilgan ma'lumot futbol olamida yaxshigina shov-shuv ko'tardi: Evropa chempioni Krishtianu Ronaldu so'nggi etti yil mobaynida soliq organlaridan 150 millionni yashirgan ekan. Manbada ta'kidlanishicha, joriy yilning eng yaxshi futbolchisi nomini qo'lga kiritish imkoniyatlari yuqori baholanayotgan hujumchi ofshorlardagi hisoblari yordamida daromadining 4 foizdan kamrog'ini to'lagan, xolos. «SE» shu munosabat bilan portugaliyalik yulduz atrofida ro'y berayotgan mojarolarga atroflicha to'xtalib o'tdi. Mashhur futbol agenti Jorje Mendeshning mijozlari orasida soxta firmalar yordamida moliyaviy daromadini yashirish tizimidan foydalanishga uringanlar ko'pchilikni tashkil etishadi. Joze Mourino, Radamel Falkao, Xames Rodriges, Pepe, Fabiu Koentrau va Rikardu Karvalo shular jumlasidan. Football Leaks qaerdan paydo bo'ldi? O'tgan yilning sentyabr oyida yo'lga qo'yilgan sayt futboldagi moliyaviy firibgarliklarni tergov qilishga ixtisoslashgan. Bu - 12ta turli mamlakatlardagi ommaviy axborot vositalari hamkorligining mahsuli. Ushbu ro'yxatda Germaniyaning Der Spiegel, Ispaniyaning El Mundo Deportivo, Italiyaning L~Espresso, Angliyaning Sunday Times, Belgiyaning LeSoir nashrlari hamda Frantsiyaning Mediapart portali ham bor. Hozirda ushbu tashkilotlar birgalikda Der Spiegel tomonidan topilgan 18,6 millionta (1900 gigabaytga teng ma'lumot) hujjatni tahlil qilib, alohida to'lov (masalan, oylik obuna) evaziga o'z xulosalarini oshkor etishmoqda. Bu, albatta, qaynoq mavzu. g'arbiy Evropada soliq to'lashdan bosh tortish holati omma orasida jiddiy qabul qilinadi. Jarayonning «Barselona» va «Real» o'rtasidagi «el-klasiko» o'tkazilgan davrga to'g'ri kelganiga nima deysiz? Ronaldu bilan bog'liq ma'lumotlarning aynan mazkur bahs arafasida oshkor etilishi portugaliyalikning kelajagi va Madrid klubining boshqa futbolchilariga salbiy ta'sir ko'rsatishi tayin edi. Football Leaks ushbu masala bo'yicha butun boshli «serial» taqdim etmoqchi. Sayt vakillari Julian Assanj asos solgan WikiLeaks kabi ishlab, uch hafta mobaynida yangidan-yangi qiziqarli faktlarni omma e'tiboriga havola etib, shu tariqa qiziqishni orttirishni maqsad qilishgan. Davomi iff.uz saytida.
— deya xabar beradi uff.uz nashri.