Bugun O'zbekiston milliy chempionati - Oliy liganing 28-tur uchrashuvlariga start beriladi. Oldimizda faqat uchta tur qoldi. Borgan sari chempionlik va Oliy ligani tark etadigan jamoalarning nomlari ma'lum bo'lib boryapti.
Jumladan, bugun Bekobodda "Metallurg" jamoasi "Buxoro" bilan o'ynaydi. Farg'onada "Neftchi" qo'qonliklar bilan kurash olib boradi. "Olmaliq"ni safarda "So'g'diyona"ga qarshi o'yin kutayotgan bo'lsa, "Navbahor" Namanganda "Qizilqum" bilan bellashadi.
Toshkentda ham bugun qiziqarli o'yin bor. "Lokomotiv" G'uzorning "Sho'rtan" jamoasini qabul qiladi.
Qolgan o'yinlar ertaga bo'lib o'tadi. Unda etakchilar - "Paxtakor", "Nasaf" va "Bunyodkor" jamoalari maydonga tushadi.
Deak, agar bu turda "Buxoro" Bekobodda mag'lubiyatga uchrasa va "Dinamo" Samarqandda "Nasaf"ni engsa, buxoroliklarning bosh jamoalari Oliy ligani tark etadi.
Yana bir jihat: bu turda "Mash'al" futbolchilari oldida "Paxtakor"ni mag'lubiyatga uchratish vazifasi qo'yilgan va futbolchilar ham shunga munosib harakat qilishlari kutilmoqda. Agar "sherlar" Muborakda ochko yo'qotishsa va "Loko" Toshkentda g'alaba qozonsa, "temiryo'lchilar" chemponlik uchun asosiy nomzodga aylanishadi. Faqat, shunaqa taxmin o'zini oqlarmikan?! Bu savollarga 28-turda javob olamiz.
Ushbu tur anonsi bilan tanishing: 28-tur 30.10.2015 15.00   Metallurg - Buxoro 16.00   Navbahor - Qizilqum 16.00   Neftchi - Qo'qon-1912 16.00   So'g'diyona - Olmaliq 16.00   Lokomotiv - Sho'rtan 31.10.2015 15.00   Dinamo - Nasaf 16.00   Bunyodkor - Andijon 16.00   Mash'al - Paxtakor
— deya xabar beradi uff.uz nashri.