"Palmeyras" hujumchisi Gabriel Jezus "Manchester Siti"ga transferi haqida fikr bildirdi. Ushbu transfer 2017 yilning 2 yanvarida bo'lib o'tishi kutilmoqda. 19 yoshli hujumchining aytishicha, unga "Barselona"dan ham taklif bo'lgan.
"Neymar menga "Barselona"ga o'tish maslahatini berdi, Fernandino esa "Manchester Siti"ga chaqirdi. Men qaysi mamlakatda o'ynash qulayligi haqida o'ylamadim, balki futbolchi sifatida o'sishni o'yladim.
Angliya mening vatanim San Pauluga o'xshamaydi. Shunga qaramay professional futbolchi sifatida o'sishni istasam, "Manchester Siti"da Gvardiola boshqaruvi ostida o'ynash ma'qul deb o'yladim," - deydi Jezus.
Eslatib o'tamiz, "Manchester Siti" hujumchi uchun 32 million evro taklif qilmoqda.
— deya xabar beradi uff.uz nashri.