Madridning "Real" klubi sobiq bosh direktori Xorxe Valdano jamoa himoyachisi Serxio Ramos haqida iliq fikr bildirdi.
"Serxio Ramos so'nggi daqiqalarda gol urib kelmoqda va hatto o'yinni qutqarish imkonsiz bo'lganda  ham bu ishni uddalayapti. Ko'pchilik Ramosning dadilligi va sadoqatini tilga oladi, ammo eng avvalo uning iqtidori haqida gapirish lozim.
Serxio alohida iqtidorga ega va og'ir vaziyatlarda o'zini yo'qotib qo'ymaydi. Ikkinchi o'rinda uning sovuqqonligini e'tirof etish kerak. Hamma hissiyotga berilganda ham u xotirjam qoladi va bundan foyda chiqara oladi", - deydi Valdano.

— deya xabar beradi uff.uz nashri.