FIFA sobiq prezidenti Yozef Blatter nima sababdan Mishel Platini futboldan chetlatilgani haqida gapirib berdi.
"Men hech kimni aldamagan edim. Shunchaki bizga qarshi ish bo'lib o'tdi. Ammo men unga halal bermadim. Platini FIFA prezidenti bo'la olmaganiga sabab shundaki, u AQSh JCh-2022ni qo'lga kirita olmagani uchun javob berdi.
Mishel hali futbolga qaytishi mumkin. U yosh, mendan 20 yosh kichik. Vaqt tez o'tadi. Uning diskvalifikatsiyasi uch yarim yildan iborat.
Men har doim JCh-2018 Rossiyada, JCh-2022 esa AQShda o'tkazilishini orzu qilar edim. Biz bu ishni diplomatiya yordamida hal qilishimiz mumkin edi. Ammo Platini Frantsiya prezidenti Nikolya Sarkozi va Qatar amiri bilan uchrashgangan so'ng (2010 yilning 23 noyabrida) Frantsiya manfaatlaridan kelib chiqib ovoz berishini aytdi. "Mening guruhim ijro qo'mitasi tomonidan oldindan kelishib qo'yilgan qaror bo'yicha ovoz bermaydi", - degan edi u. Bu gaplardan men shok holatiga tushib qolgandim.
JCh-2010 vaqtida ham shunday bo'lgan edi. Platini: "Men JAR uchun ovoz bermayman, chunki biz Marokash bilan juda yaqinmiz", degan edi.
To'g'risini aytsam, men 2022 yilgi JCh mezboni Qatar bo'lishini hali konvertni ochmay turib bilgan edim", - deydi Blatter.
Eslatib o'tamiz, 2015 yilning dekabrida Blatter va Platini 8 yilga futboldan chetlatilgan edi. Keyinchalik bu muddat 6 yilga qisqartirilgan.
— deya xabar beradi uff.uz nashri.